Японы компанийн үндсэн ажилтны виз мэдүүлхэд гарахгүй байх тохиолдлууд/在留ビザ不許可ケース

2019-05-09  

 技術・人文知識・国際業務Гижюцү жинбүн чишики кокүсай гёомү гэх урт нэрт визийг деталчлан орчуулвал:
Гижюцү- Техник технологи
Жинбүн чишики- Хүмүүнлэгийн мэдлэгтэн
Кокүсай гёомү- Олон улсын ажилтан
 Дээрх салбарт харъяалагдах инженер, хариуцан зааварлах алба, оюуны болон бичгийн ажлуудыг эрхлэх иргэнд олгогдоно. Харин биеийн хүч шаардсан мэргэжил шаардагдахгүй туслах ажлуудад олгогдохгүй. Компанийн ажилтны оршин суух зөвшөөрөлд татгалзсан хариу авдаг ихэнх тохиолдол нь энэ талаар сайтар ойлголтгүй байдагтай холбоотой билээ. .
Компанийн ажилтны виз шинээр мэдүүлэх болон сунгалтын мэдүүлэгт татгалзсан хариу авсан дараах тохиолдлуудаас дурдвал:
Шинээр мэдүүлэхэд:
1. Үйл ажиллагааны хувьд хэт жижиг компанид виз мэдүүлэхэд Таны хийх ажил үнэхээр энэ кайшянд байна уу үгүй юу гэдэг дээр шалгуур шалгалт өндөр байдаг.
2. Мэргэжлийн байгууллагад хандан хаанаас нь ч харсан төгс баримт бичиг бүрдүүлж виз мэдүүллээ ч гэсэн шаардлагатай материалын жагсаалтанд байгууллгын санхүүгийн тайлан зайлшгүй шаардсан байдаг. Энэ тайланг харахад үйл ажиллагааны хүрээ, орлого зарлагыг мэдэж болох учир тухайн ажилтныг ажиллуулах шаардлага байна уу үгүй юу гэдгийг мэдэж болдог байна.
3. Хэт жижиг бүтэцтэй үйл ажиллагаа явуулдаг ч жилийн орлого нь их өндөр байх тохиолдолд санхүүгийн хувьд тогтвор суурьшилтай цаашид хүний нөөц хэрэгцээтэй гэж үзэж виз олгох тал бий.
4. Виз мэдүүлэгчийн мэргэжил тухайн компанийн үйл ажиллагааны чиглэл 2 авцалдахгүй тохиолдолд шалгуур ухагдах нь өндөр байдаг. Хэдий байр суурь сайтай компани байлаа ч виз мэдүүлэгчийн дээд боловсролоор эзэмшсэн мэргэжилтэй үл тохирох ба огт хамааралгүй үйл ажиллагаа явуулдаг бол виз гарах магадлал багасна. Үзэж судалсан хичээлийн төрлөөс дор хаяж нэг хоёр төрөл зүйл нь төгсөлтийн дипломын дүнгийн хавсралтанд бичигдсэн байх ёстой.
5. Сүүлийн үед зам барилга, үйлчилгээ, хоолны газар, конбини дэлгүүр, зочид буудал зэрэгт компанийн ажилтнаар виз хүсэх явдал ихэсч төдий чинээгээр шалгалт чангарсан билээ. Бодит байдалд биеийн хүчний ажил хийх ч виз хүсэхдээ албан тасалгааны, хариуцах албаны ажил хийнэ гэсэн мэдүүлэг өгч компанийн ажилтны зөвшөөрөл авах тохиолдол элбэг байдаг. Тиймээс Үндэслэл сайтай, баталгаа нотолгоо сайтай материал дээр зөвшөөрөл олгогдох ба олгогдсон хойно биеийн хүчний хөдөлмөр эрхлэх явцдаа асуудал гаргах, бэртэж гэмтсэн тохиолдолд шат шатанд шалгагддаг гэдгийг болгоомжлон үзэх нь чухал.
Сунгалт хийхэд:
1. Компанийн ажилтны визийг сунгахад шаардлагатай бичиг баримт дотор орлого, татварын мэдээллийг шаардсан байдаг. Байгууллагаасаа 源泉徴収票 гэнсэнчёошюүхёо авч өгч болдог байсан ба сүүлийн үед 納税証明書 Ноозэйшомэйшо буюу татвар барагдуулалтын гэрчилгээг нэмэлтээр өгөх шаардлагатай болсон. Учир нь гэнсэнчёошюүхёо-г байгууллага нь ажилтныхаа визыг сунгуулахын тулд ярилцан тохиролцоод зохиогоод биччих тохиолдолууд гарч байгаатай холбоотой юм. Тиймээс байгууллагаасаа авч байгаа цалингийн мэдүүлгээ дүүрэг дээрээ зайлшгүй албан ёсоор мэдүүлж дүүргээс казей ноүзэйшомэйшо авч байх шаардлага тавих болсон. Энэ бодлогоор гадаад иргэдийг хот дүүрэг оршин суугчийн татварыг төлүүлэх эс төлбөл та япон улсад ажиллаж амьдрах эрхгүй гэж үзэж байна.
2. Анх компанийн ажилтан болохдоо 本社 Хонша буюу төв компани дээр гэрээ хийсэн байдаг ба дараа нь аль нэг салбар дээр томилогдон ажиллах тохиолдол цөөнгүй байдаг. Визээ сунгуулахдаа ажлын газрын тодорхойлолтыг ажилладаг Салбар компаниасаа авчихдаг. Гэвч энэ нь болохгүй зүйл юм. Таныг анх тухайн компанийн төв дээр ажиллана, тэнд танд тохирсон ажил байгаа гэж үзэж виз олгосон учир сунгалт хийлгэхдээ ч тухайн төв дээрээ ажилласэн эсэхийг шалгана.
3. Зарим тохиолдолд мэдүүлсэн 源泉徴収 Гэнсэнчёошүхёо-н хүснэгт дээр шөнийн ээлжинд авсан цалингийн хэмжээг бичсэн байдаг. Үүгээрээ та оффист биш талбай дээр ажиллаж байгаагаа хэлээд өгч байна гэсэн үг.
Дээр өгүүлсэнчлэн компанийн ажилтаны виз нь оффисд ажил хийх хүнд олгогдсон байдаг ба шөнө оройн цагаар хөдөлмөр эрхлэх, ажлаас гадуур биеийн хүчний хөдөлмөр, цагийн ажил, өөр компанид харъяалагдан ажиллах зэрэг хориотой байдгийг санах хэрэгтэй.
Дээрх бүх тохиолдлуудад дан ганц хувь хүний мэдлэггүй байдал бус ажил олгогч компанийн зүгээс ч гадаад иргэн ажиллуулахтай холбогдуулах хууль эрх зүйг судлаагүй , туршлагагүй байдал нөлөөлсөн байдаг. Тиймээс уг иргэн өөрийн биеэр анхлан судалж орох компанидаа ч хангалттай мэдээлэл өгч байх хэрэгтэй.

Гёосэйшоши “Блан” хууль, эрх зүй компани


Хамгийн сүүлийн 10 нийтлэл

2020-09-29
“Тусгай ур чадвартай ажилтан” гэдэг оршин суух зөвшөөрлийн шинэ ангиллын тухай/特定技能ビザに関するモンゴル語版での日本の外務省の公式ページ

2020-09-29
Эрүүл мэнд хөдөлмөрийн аюулгүй ажиллагааны тухай/健康と労働安全衛生法の内法・健康診断などについて

2020-09-28
Япон улсын Эрүүл мэндийн даатгал/日本の医療保険について

2020-09-28
Оршин суух зөвшөөрөл 特定技能/Тусгай ур чадвартай ажилтан Монгол хэл дээрх зурагт мэдээлэл

2020-09-25
Тусгай ур чадвартай ажилтан 1-р зэрэг болон 2-р зэрэг/特定技能1号と2号の違いについて

2020-09-25
Тусгай ур чадвартай ажилтан 1-р зэрэг/特定技能1号-т нийт 14-н салбарт хийж гүйцэтгэх ажил үүрэг

2020-09-24
Шинэ төрлийн Корона вирус дэгдсэнтэй холбоотойгоор Ажлаас халах, чөлөөлөх/新型コロナウイルスの影響を受けて退職・解雇された場合

2020-09-23
Япон улсад ажиллаж буй иргэддээ Япон улсын Эрүүл мэнд, нийгмийн хамгаалал, хөдөлмөрийн яамны Монгол хэл дээрх цахим хуудас болон Монгол хэл дээрээ утасаар зөвөлгөө авах боломжтой болсон тухай мэдээлэл хүргэж байна/就労条件に関する総合情報サイト (確かめよう就労条件をモンゴル語版)

2020-09-23
Япон улсад гэрлэлтээ цуцлуулах тохиолдолд/婚姻の解消について(モンゴル国)

2020-09-23
Япон улсад гэрлэлтийн бүртгэл хийлгэх тухай/婚姻証明書の手続きについて(モンゴル国)

*