Японд компани байгуулах гадаадын иргэнд олгогдох виз/経営ビザについて

2019-05-13  

Бид энэ удаад Япон улсад компани, аж ахуй нэгж
эрхлэх иргэнд олгогддог 経営管理 буюу үйл ажиллагаа, менежмент удирдлага гэсэн визийн ангилалын тухай мэдээлэл хүргэж байна.
Энэ нь Япон улсад оршин сууж байсан хугацаа, боловсролын түвшин
хамаарахгүйгээр компани байгуулахыг хүссэн гадаадын иргэнд боломж олгодгоороо бусад оршин суух ангилалаас давуу талтай.
Үүнд:
· Япон улсад үйл ажиллагаа , аж ахуй эрхлэх хүсэлтэй иргэнд
· Япон улс дахь компани, аж ахуйд хөрөнгө оруулалт хийж түүнийг удирдах албыг хаших иргэнд тус тус олгогдоно.

Дээрх үйл явцад зарцуулагдах хангалттай хэмжээний санхүүгийн эх үүсвэр болон бодитой үйл ажиллагааны чиглэл, зорилгоо тодорхойлсон байх нь гол шаардлага болдог.
Япон улсад компани багуулах үйл явц нь харьцангуй хүндрэл багатай ч тус визийг хүсэх нь нилээд шалгуур өндөртэй байдаг.

Энэ юу гэсэн үг вэ гэхээр:
1.Компанийн үйл ажиллагааны цар хүрээ хамаарахгүй доод тал нь 5,000,000 иений хөрөнгө оруулалт шаардлагатай бөгөөд энэ нь тухайн компанийг эрхлэх суурь хөрөнгө болно гэж үздэг.
2.Үйл ажиллагааныхаа зорилт, чиглэлүүдийг тодорхойлсон бизнес төлөвлөгөө гаргасан байх бөгөөд үйл ажиллагаагаа тус чиглэлийн дагуу байх ёстой. Чиглэлд тооны хязгаар байхгүй.
*Нэмж үйл ажиллагааны чиглэлдээ өөрчлөлт оруулахад зардал ихээхэн шаардагддаг учир анхнаасааа оновчтой төлөвлөх шаардлагатай.
3.Үйл ажиллагаа явуулах оффис байх хэрэгтэй ба интернэтээр үйл ажиллагаа явуулах зорилготой байсан ч анхан шатны оффис заавал шаардагдана.
4. Тухайн компани, аж ахуйн нэгж нь 2-оос дээш ажилтантай байх.
5. Тухайн компани нь үйл ажиллагаа явуулах 3 жилийн стратеги төлөвлөгөөг заавал боловсруулах шаардлагатай бөгөөд хууль ёсны дагуу байх ёстой. Эс бөгөөс визний төлөөх хуурамч төлөвлөгөө байж болзошгүй хэмээн сэрдэгдэх тал бий.
Дээрх зүйлс нь ерөнхий бэлтгэлд тооцогдох ба ямар үйл ажиллагаа эрхлэхээс шалтгаалан шаардлага, шалгалт өөрчлөгдөнө гэдгийг анхааралдаа аваарай.

Кэйэй Канри визний хугацаа:
1жил,
3 жил,
5 жил гэх хугацаатай.
*5 жил тууштай байсан нөхцөлд Япон улсад байнгын оршин суух зөвшөөрлийг хүсэх эрхтэй болдог.
Тус визний сунгалтын хувьд:
Оршин суух ангилал болон компанийн үйл ажиллагааны үргэлжлэх зарчим нь:
– Анх төлөвлөсөн чиглэлийн дагуу үйл ажиллагаа явагдсан байдал
– Ажилчдын нийгмийн даатгалд хамруулсан байдал
– Суурь хөрөнгөөс гадна орлого, ашигтай ажилласан байдал
– Япон улсад татвар төлөх чадамжийн байдлаас хамааран хугацаа сунгагдах дүрэмтэй.

Бүрдүүлэх материалын хувьд :
Бизнес төлөвлөгөө хамгийн чухал бөгөөд түүнд туршлага, чадвар хэрхэн байгаагаас шалтгаалан үнэлэгдэнэ. Түүнчлэн урьд өмнөх түүх намтараас шалтгаалан нэмэлт бичиг шаардагдах тохиолдол бий.

Гёосэйшоши “Блан” хууль, эрх зүйн компани

О.Сарнай


Хамгийн сүүлийн 10 нийтлэл

2020-10-31
Зарлал/お知らせ

2020-10-29
Япон улсад ур чадвартай дадлагажигч гаргах тухай товч тайлбар/特定技能についてモンゴルの政府からのお知らせ 重要!!!

2020-10-29
Буцах визээр Япон улсад буй иргэдийн анхааралд/帰国準備ビサで在留中のモンゴル人の皆さんへ 重要!!!

2020-10-27
Тусгай үүргийн нислэгээр явах иргэдийн анхааралд/10月28日の特別便で帰国される皆知っている

2020-10-27
Япон улсад их дээд сургууль болон магистер төгссөн, Япон хэлний N1 түвшинтэй бол Токүтэйкацүдо-46 виз горилоно/特定活動46号(日本の大卒者でN1合格者)

2020-10-27
2020 оны 11 сард үйлдэгдэх тусгай үүргийн нислэгийн хуваарь/11月に運航予定のミアットモンゴル航空会社特別便について

2020-10-22
Япон улсад ажиллаж буй гадаад иргэдийн тоон үзүүлэлт ба хөдөлмөр эрхлэлтийн тухай хуулийн товч мэдээлэл/在日外国人就労者と就労知識について

2020-10-22
Япон улсын Цагаачлалын албаны албан есний мэдээллийн бас нэгэн холбоос/東京出入国在留管理局の公式アカウントについて

2020-10-22
Корона вирусийн нөлөөтэй холбоотой гадаадын иргэдэд одоо хэрнэ үзүүлэж буй дэмжлэг/新型コロナウイルス感染症の影響に対する外国人及び受入れ機関への支援策①(外国人への支援)

2020-10-21
Япон улсад оршин сууж буй иргэн “Ур чадвартай ажилтан”/Токүтэйгино-1 ангиллын ажиллах виз болгох тухай/在留中の場合取得している在留資格を特定技能ビザに切り替える流れについて

*