№8 Япон улсад оршин сууж буй Монгол улсын иргэд иргэний бүртгэлээ хэрхэн хийх вэ?

Япон дах Монгол улсын Элчин сайдын яамнд хандана. Монгол Улсын иргэний шинэчилсэн бүртгэл /ИШБ/-ийн зорилт нь Монгол Улсын иргэний төрсний, иргэний үнэмлэхийн, байнга оршин суугаа газрын баталгаа, биеийн давхцахгүй өгөгдлийн бүртгэлийг шинээр бүртгүүлэхэд оршдог билээ.
Монгол Улсын 16 насанд хүрсэн иргэн ИШБ-д хамрагдан цахим үнэмлэхийг анхла шинээр, 25, 45 насандаа шинэчлэн авдаг билээ. ИШБ-д бүртгүүлэхдээ заавал өөрийн биеэр ирж, хурууны хээ өгч бүртгэлд хамрагдана.
Бүртгэлд хамрагдсанаас 3 сарын дараа Таны цахим үнэмлэх Элчин Сайдын Яамнд ирэх бөгөөд ИШБ-д хамрагдах үедээ эргэн холбоо барих утасны дугаар эсвэл шуудангын хаягаа үлдээнэ үү.
*Монголд өөрийн төрөл, садангаар дамжуулан авах бол заавал итгэмжлэл хийлгэдэг болно.

1. 16 нас хүрч, иргэний үнэмлэх анх удаа авах үед дараах материал бүрдүүлнэ:
-Төрсний гэрчилгээний хуулбар
-Эцэг, эхийн иргэний үнэмлэхний хуулбар
-Гадаад паспортны хуулбар
-Монгол дахь байнга оршин суугаа баг, хорооны тодорхойлолт
-Японд оршин суух зөвшөөрлийн үнэмлэхний хуулбар /在留カード/
-Япон дахь оршин суугаа газрын тодорхойлолт эх хувь /住民票/
-Иргэний цахим үнэмлэхний төлбөр 2000 иен

2. Иргэний үнэмлэхний хугацаа сунгуулахад дараах материал бүрдүүлнэ:
-Төрсний гэрчилгээний хуулбар
-Хуучин иргэний үнэмлэхний хуулбар /Алга болгосон тохиолдолд УБЕГ-ын иргэний -цахим үнэмлэхний лавлагаа/
-Гадаад паспортын хуулбар
– Японд оршин суух зөвшөөрлийн үнэмлэхний хуулбар /在留カード/
– Япон дахь оршин суугаа газрын тодорхойлолт эх хувь /住民票/
-Иргэний цахим үнэмлэхний төлбөр 2000 иен
ИШБ-д хамрагдахаасаа өмнө өөрийн ургийн овог, Монгол Улсад бүртгэлтэй хаяг, мөн эхнэр, нөхрийн болон 16 нас хүртэлх хүүхдийн регистрийн дугаарыг тодруулж, холбогдох бичиг баримтын хуулбарыг бэлдсэн байх шаардлагатай юм байна.