№16 Коүгёо анигалалын виз/興行/

Урлаг болон спортын арга хэмжээг төлбөртэйгөөр үзүүлэж, зохион байгуулах албан ёсны зөвшөөрлийн виз болох Коүгёо визийг мэдүүлэх шаардлагатай. Энэ визийг ямар хүмүүс мэдүүлэх боломжтой вэ?  Жүжигчид дуучид, бүжигчид, мэргэжлийн тамирчид. Монгол дах Японы Элчин сайдын яамнаас олгодог аялалын визээр ирж Хандив болон буяаны тоглолтонд оролцож болох ба ойр зуурын унаа, хоолны мөнгө зэргийг авч болох ч их хэмжээний тоглолтын орлого олох зорилготой байгаа бол тус визийг мэдүүлэж авна уу. Яагаад мэдүүлэх шаардлагатай вэ гэхээр их хэмжээний орлого олоод түүнийгээ нуун дарагдуулсан гэж тодорхойлогдох бөгөөд энэ нь Японд хууль бус үйлдэл болдог аж.

Виз мэдүүлэх тухай

Тус ангилалын виз нь үйл ажиллагааны цар хүрээнээс хамаарч 15 хоног, 1 сар, 3 сар, 1 жил, 3 жил хугацаатай байдаг.
Дотороо 4 төрлийн нөхцөлтэй байдаг.
1. Өдөрт 500,000 иенээс доош цалинтай, 100 хүртэлх үзэгч бүхий лайв ресторан, клуб, шөнийн клуб зэрэг архи согтууруулах ундаа худалдаалдаг газарт урлаг соёлын арга хэмжээ зохион байгуулахаар уригдах. Энэ тохиолдолд урьж буй тал нь 3-аас дээш жил урлаг соёлын арга хэмжээ зохион байгуулж байсан туршлагатай ажилтан байх ёстой.

2. Нийт 15 хүртэлх хоногт 500,000 иенээс дээш цалинтай, 100-аас дээш хүний багтаамжтай, архи согтууруулах ундаа худалдаалдаггүй танхим байгууламжид өргөн цар хүрээний тоглолт, фестивалийн арга хэмжээ зохион явуулах. Энэ тохиолдолд урьж буй компанид зайлшгүй туршлагатай ажилтан байх шаардлагагүй.

3. Мэргэжлийн спорт, тэмцээн, багийн бүжгийн тэмцээн, жүжиг, театр, дуулалт бүжиг зэргийн арга хэмжээ.

4. Урлаг соёлын үзвэр үйлчилгээнээс гадна реклам, кино зураг авалт, шагнал гардуулах ёслол зэрэгт оролцох
Зохион байгуулах арга хэмжээ болон урих хүний тооноос хамаарч мэдүүлэгтээ дээрх тохиолдлоос тохирохыг судлах ба хамгийн уян хатан хувилбар нь 2-р нөхцөл буюу архи, согтууруулах ундаагаар үйлчлэхгүй, тийм асуудал гаргахгүй байх тал дээр анхаарал хэрэгтэй.

1．Тоглолт, үйл ажиллагааны бэлтгэл
• Үйл ажиллагааны огноог төлөвлөх /виз олгогдох хүртэлх хугацааг хамруулна/
• Газар, байршлаа товлох /талбай хэмжээ, орчны нөхцөл байдлыг сайн тусгах/
• Цалин тогтоох / уригдагч талтай гэрээ хийсэн байх/
• Хамтран ажиллах урлаг соёл, спортынхонтой байгуулсан гэрээ
• Оршин суух хугацааны төлөвлөгөө /байрлах газар тодорхой байх/
• Арга хэмжээ явуулах мөнгөн хөрөнгийг бэлтгэх
2．Визний мэдүүлгийн бэлтгэл
• Шаардлагатай бичиг баримтуудыг бүрдүүлэх
• Цагаачлалын албанаас виза хүсэх анкетыг бөглөх
• Урих шалтгааны бичгийг бөглөх
3．Мэдүүлэг хийх
Визний материалыг уригч компани, эсвэл төлөөлөх захиргааны бичиг боловсруулагч хуулийн мэргэжилтэн бэлтгэж “Цагаачлалын алба”-нд мэдүүлэг хийнэ.
4．Мэдүүлэгийн шалгалт 1-3 сар
“Цагаачлалын алба”-нд өгсөн материал хангалтгүй тодруулах шаардлагатай тохиолдолд нэмэлтээр материал шаарддаг.

Монгол дах Япон улсын элчин сайдын яамны холбоосоор орж Монголоос “БОГИНО ХУГАЦАА” ангиллын виз
НИЙГЭМ, СОЁЛ, ШИНЖЛЭХ УХААНЫ ЗҮТГЭЛТЭН,
ЭРДЭМТЭД, УРЛАГИЙН АЛДАРТНУУД ОЛОН УДАА зорчих визний дэлгэрэнгүй мэдээлэл аваарай.

https://www.mn.emb-japan.go.jp/mn/visit_japan/celeb_multi.html