Олон улсын шинэ нисэх буудлын менежментийг эхлүүлэх ёслолын ажиллагаа/ウランバートル新国際空港マネジメントが開催/

2019 оны 7 дугаар сарын 5 ний өдөр Улаанбаатар хотын Олон Улсын Шинэ Нисэх Буудлын менежментийг эхлүүлэх ёслолын ажиллагаа болон 32 км үргэлжлэх хурдны замын нээлт тус тус боллоо.
Монгол Улсын Засгийн газар Олон улсын нисэх онгоцны шинэ буудлын менежмент төслийг “хөрөнгө оруулах-ашиглах-шилжүүлэх” нөхцөлөөр Монгол, Японы хамтарсан компанитай концессын гэрээ байгуулахыг зөвшөөрсний дагуу Монголын талаас “Хөшигтийн хөндийн нисэх онгоцны буудал” ТӨХХК, Японы консорциум буюу “Жапан Эйрпорт Менежмент” ХХК-ийн хамтарсан “Нью интернэйшнл эйрпорт” ХХК-д концессоор шилжүүлсэн байна.
Тус гэрээнд Монгол Улсын Засгийн газрыг төлөөлж Үндэсний хөгжлийн газар, Япон, Монголын хамтарсан “Нью интернэйшнл эйрпорт” ХХК-ийн төлөөлөл өнөөдөр гарын үсэг зурав.
Концессын гэрээ болон хувьцаа эзэмшигчдийн гэрээний төслийг Засгийн газраас томилогдсон ажлын хэсэг Японы консорциумтай сүүлийн нэг жилийн хугацаанд нийт 11 удаагийн хэлэлцээр, уулзалтын үр дүнд бэлтгэсэн ба компанийн ашгийн 51%-г Японы тал, үлдсэн 49%-г Монголын тал авах юм байна.
Тус төсөл анх 2006 онд эхэлж байсан бөгөөд нийт 13-н жилийн дараа ийнхүү амжилттай дууслаа.