Компани болон хувийн аж ахуйн нэгж байгуулах, хамтран байгуулсаны дараа заавал авах ёстой хөрөнгө оруулагч-удирдлагын визний тухай /投資・経営・管理ビザの基準 №1

2020-01-21  

Япон улсад аж ахуйн нэгж байгуулж Тооши Кэй-Эй Канри буюу ХӨРӨНГӨ ОРУУЛАГЧ-БИЗНЕСИЙН УДИРДЛАГА-ийн виз авах талаар өмнөх удаад мэдээлэл оруулж байсан билээ.
Компани байгуулах нь тийм хэцүү зүйл биш материалаа сайн зөв бүрдүүлээд хувь хүн өөрөө ч бүрдүүлж болно. Үүний дараа харин бизнес удирдлагын визээ мэдүүлж авах авах нь хэн бүхний хүссэнээр болох зүйл биш юм. Сүүлийн жилүүдэд  Японд гадаадын иргэд маш ихээр ирэх болсонтой холбогдуулан Цагаачлалын алба/хуучин нэршлээрээ/ виз олгох шаардлагаа чангаруулсаар байна. Тиймээс виз мэдүүлэхдээ мэргэжлийн байгууллагад хандаж материалаа хянуулах шаардлагатайг зөвлөмөөр байна. Виз эхний удаа амжилттай гарснаар санаа амарч болохгүй, 1 жилийн дараа буюу хуулийн хугацаагаараа 9-н сарын дараа та визээ сунгуулах шаардлагатай бөгөөд энэ сунгалтыг зөвшөөрөгдөх үгүйг тус хугацаан дахь борлуулалт компанийн ашиг, санхүүгийн тайлан, татвар төлөлт зэрэг танаас маш их материал шаардагдах болно.
ВИЗ мэдүүлэхэд хамгийн  ЧУХАЛ ЗҮЙЛ БОЛ:
– 3-н жилийн бизнес төлөвлөгөө хийх ба түүндээ үйл ажиллагааны чиглэл, зорилго, орлого болон зардал, ашгийн төлөвлөгөө, боловсон хүчин /шаардлагатай тохиолдолд/, бизнесийн эх үүсвэр болох харилцах, хамтран ажиллах байгууллага, энэ тухай хийсэн гэрээ хэлэлцээр зэргийг нягт нямбай хавсаргаж өгөх шаардлагатай.
– Мөн удирдах ажилтны туршлага тухайн үйл ажиллагааны чиглэлтэй нийцэж байгаа эсэхийг шинсэйшодоо/мэдүүлгийн хуудас/ сайн тусгаж өгөх хэрэгтэй.
Эдгээр зүйлийг бүрдүүлсний дараагаар Риюүшо буюу яагаад тус визийг мэдүүлэх болсон тухай тайлбар  бичиж өгөх шаардлагатай. Гол нь Япон улсад орогнохын тулд л арга чарга гаргаж виз авах гэж байгаа бус чин зорилго эрмэлзэлтэйгээр өөрийн бизнесээ босгох гэж байгаагаа тусгаж өгнө. Таны итгэл сэтгэл, зоригийг харуулсан бодитой үнэн зөв, алсын хараатай байх шаардлагатай. Энэ виз нь Япон улсад оршин сууж байсан хугацаа, тухайн хүний боловсролын төвшин
хамаарахгүйгээр компани байгуулахыг хүссэн иргэнд олгогдох боломжтойгоороо бусад оршин суух ангиллын визээсээ ялгаатай.

Нэг үгээр хэлвэл:
· Япон улсад үйл ажиллагаа явуулах аж ахуй, бизнес эрхлэх хүсэлтэй иргэнд олгогдоно
· Япон улс дахь компани, аж ахуйд хөрөнгө оруулалт хийж түүнийг удирдах албыг хаших иргэнд мөн олгогдоно.
Мэдээж компани байгуулах явцад зарцуулагдах хангалттай хэмжээний санхүүгийн эх үүсвэр болон бодитой үйл ажиллагааны чиглэл, зорилгоо тодорхойлсон байх нь гол шаардлага болдог.


Хамгийн сүүлийн 10 нийтлэл

2020-09-25
Тусгай ур чадвартай ажилтан 1-р зэрэг болон 2-р зэрэг/特定技能1号と2号の違いについて

2020-09-25
Тусгай ур чадвартай ажилтан 1-р зэрэг/特定技能1号-т нийт 14-н салбарт хийж гүйцэтгэх ажил үүрэг

2020-09-24
Шинэ төрлийн Корона вирус дэгдсэнтэй холбоотойгоор Ажлаас халах, чөлөөлөх/新型コロナウイルスの影響を受けて退職・解雇された場合

2020-09-23
Япон улсад ажиллаж буй иргэддээ Япон улсын Эрүүл мэнд, нийгмийн хамгаалал, хөдөлмөрийн яамны Монгол хэл дээрх цахим хуудас болон Монгол хэл дээрээ утасаар зөвөлгөө авах боломжтой болсон тухай мэдээлэл хүргэж байна/就労条件に関する総合情報サイト (確かめよう就労条件をモンゴル語版)

2020-09-23
Япон улсад гэрлэлтээ цуцлуулах тохиолдолд/婚姻の解消について(モンゴル国)

2020-09-23
Япон улсад гэрлэлтийн бүртгэл хийлгэх тухай/婚姻証明書の手続きについて(モンゴル国)

2020-09-23
Япон улсад төрсөн хүүхдийн төрсний бүртгэл хийлгэх тухай/新生児 出生証明書の手続きについて(モンゴル国)

2020-09-23
Анх удаагаа Япон Улсад зорчих гэж байгаа бол/初めて日本へおいでの方へ

2020-09-18
Гэрээгээр ажиллаж буй дадлагажигч нар татвараас чөлөөлөх тухай мэдээлэл/技能実習生の皆様へ

2020-09-18
Япон улсын Хууль зүйн яамны албан есний цахим хуудас /Монгол хэл/法務省外国人生活サポートサイト モンゴル語版

*