Японд Токүтэйгино визээр Цагаачлалын асуудал нь шийдэгдсэн /特定技能ビザで解決されたこと

2020-01-31  

Одоогоос 10 жилийн өмнө Япон илүү олон цагаач хүлээж авах уу яах вэ гэсэн асуудлаар шийдвэр гаргаж чадахгүй гацаанд байсан бол одоо Токүтэйгино1,2 хөдөлмөр эрхлэх визийг шинээр гаргаад хэрэгжүүлээд эхэлсэн байгаа билээ. Тухайн үед даяаршлыг дэмжигчид болохоор Япон гадаадын цагаач нар хүлээж авах нь олон улсын соёлын нөлөөг оруулж, харилцан ойлголцлыг нэмэгдүүлнэ гэж үзэж байхад нөгөө талд нь тэдгээр харийнхан буюу Япончуудын дууддагаар Gaijin-ууд биднийг Японы нийгэмд сөрөг нөлөө авчирна гэж эсэргүүцэж байсан. Мэдээж аль аль зөв үнэний ортой шүү дээ.
Японы Хүн ам, нийгмийн аюулгүй байдлын судалгааны хүрээлэнгийн үзэж байгаагаар Японы хүн ам дээд цэгтээ тулсан бөгөөд одоо хүн ам нь буураад эхэлсэн. 2050 он гэхэд хүн ам нь 100 сая орчим болох ба 2105 он гэхэд 45 сая орчим болох болно гэж тооцож байна. Ингэснээр цөөхөн хүн ажил хийж, татвар төлж, харин тэтгэвэрийн насныхан их болно. 2009 онд Японы Засгийн газрын төсвийн зарлагын 50 гаруй хувийг үндэсний өрийн хүү, нийгмийн даатгал, тэтгэврийн зардал эзэлж байсан. 1960 онд энэ тоо 19 хувь байсан юм. Тиймээс Японы засгийн газар хатуу сонголт хийх шаардлагатай нүүр тулаад байсан. Татвараа ихэсгэх үү? Тэтгэмжүүдээ бууруулах уу? Эсвэл гадаад өрөө нэмэгдүүлж, өрөнд орох уу? Эсвэл гадаадын залуу ажилчдад хаалгаа нээж ажилчид, тэтгэврийнхний хоорондын харьцааг тэнцвэржүүлэхээр оролдох уу?
Өөр нэг анхаарах асуудал бол цагаачлалын асуудлыг яаж шийдэх нь Япончуудын улам бүр өсөн нэмэгдэж байгаа амьдралын стандарт болон бараг ажил хийдэггүй Япон эмэгтэйчүүдийн асуудалд чимээгүйгээр нөлөө үзүүлэх болно. Одоо байгаа амьжиргааны стандартаа хэвээр хадгалахын тулд 2012 он гэхэд Япон 7.4-11 сая цагаач ажилчид гаднаас авах хэрэгтэй байгаагаа шийдвэрлэж авч эхэлсэнийг та бид мэднэ. Хэрвээ цагаачид өөрсдийн гэр бүлийнхнийгээ хамт авж очих юм бол цагаачдын тоо 20 сая хүрэх болно гэж эдийн засагчид тооцоолж байсан өдгөө замраагүй ихсэж байгаа.
Япон тийм их хэмжээний цагаачдын өмнө хаалгаа бараг нээх үү гэдэг нь хариулахад төвөгтэй асуудал байсан? Хэрвээ цагаач ажилтнууд авахыг хүсвэл Япон ямар цагаач авах вэ? Тэдгээр цагаачдын хөдөлмөрийн чадвар ямар байх вэ? Өндөр ур чадвартай хүмүүс байх уу, эсвэл ур чадвар багатай ажилчид авах уу? Ур чадвар багатай ажилчид эздийнхээ халаасыг зузаалахад тусалдаг ч ерөнхийдөө эдийн засагт тийм ч ашигтай байдаггүй гэж нэг хэсэгг нь үзсэн. Ур чадвар сайтай ажилтнууд авахад мөн адил асуудал үүсдэг. Тэгэхээр алийг нь авах нь урт хугацаандаа Японд ашигтай вэ? Японы эрүүл мэнд, хөдөлмөр, нийгмийн халамжийн яам цагаач ажилчдын байдлыг гурван хувилбараар тооцоолсон байна. Эхний хувилбарт зөвхөн залуу, ганц бие цагаач ажилчид оруулах хувилбар. Тийм тохиолдолд цагаач ажилтнуудын Японы засгийн газарт төлөх татвар, Засгийн газраас буцааж авах тэтгэмжээс хамаагүй бага буюу Японд ашигтай байна. Хоёр дахь хувилбараар цагаач ажилчинг эхнэр, хоёр хүүхдийн хамт Японд ирж ажиллах хувилбарыг тооцсон. Ийм тохиолдолд тухайн ажилчны Японы засгийн газар төлөх татвараас тэдний гэр бүлийнхэн Японы засгийн газраас авах тэтгэлэх хамаагүй илүү давж гарсан. Өөрөөр хэлбэл Японы засгийн газар алдагдалд орох болно. Гуравдугаар хувилбараар, хэрвээ 500,000 цагаач ажилчин Японд гэр бүлтэйгээ ирж амьдрах юм бол Японы засгийн газар 12 тэрбум орчим ам.долларын алдагдал хүлээх болно гэж тооцоолж байсан байна.
Японы засгийн газар цагаачлалын асуудалдаа шийд гарган Цагаачлалын асуудлыг ихэвчлэн соёлын ялгаа, улс төрийн үүднээс авч ярилцан, үндсэн зорилт болох эдийн засгийн хөгжил, нийгмийн бүтээмтжтэйгээ илүү холбож шийдвэрлэсэн үр дүн одоо гарч эхлэх буй за.


Хамгийн сүүлийн 10 нийтлэл

2020-10-22
Япон улсад ажиллаж буй гадаад иргэдийн тоон үзүүлэлт ба хөдөлмөр эрхлэлтийн тухай хуулийн товч мэдээлэл/在日外国人就労者と就労知識について

2020-10-22
Япон улсын Цагаачлалын албаны албан есний мэдээллийн бас нэгэн холбоос/東京出入国在留管理局の公式アカウントについて

2020-10-22
Корона вирусийн нөлөөтэй холбоотой гадаадын иргэдэд одоо хэрнэ үзүүлэж буй дэмжлэг/新型コロナウイルス感染症の影響に対する外国人及び受入れ機関への支援策①(外国人への支援)

2020-10-21
Япон улсад оршин сууж буй иргэн “Ур чадвартай ажилтан”/Токүтэйгино-1 ангиллын ажиллах виз болгох тухай/在留中の場合取得している在留資格を特定技能ビザに切り替える流れについて

2020-10-21
Япон Улсад “Ур чадвартай ажилтан” илгээх хүлээн авах тогтолцоог хэрэгжүүлэх бүртгэлийн зар /現地では特定技能1号外国人人材の受付開催された

2020-10-21
Япон улсын “Виз” болон “Оршин суух зөвшөөрөл”-ийн тухай/ビザ(査証 )と在留資格について

2020-10-20
Япон улсад зорчих болон байх хугацаандаа мэдэж байх шаардлагатай мэдээлэл/日本へ出国予定の皆様の知っておくべきこと

2020-10-20
МИАТ-ийн тусгай үүргийн нэмэлт нислэг 10/28-нд гарах тухай/帰国者人数が多い為、ミアットモンゴル航空会社は10月に追加特別便を運航予定

2020-10-20
Япон улсын хилээр нэвтэрсний дараах хорио цээрийг цаашид хэрхэх тухай мэдээлэл/帰国者に対する検疫の流れと14日間の待機宿泊について

2020-10-20
Техник технологи, хүмүүнлэг, олон улсын харилцаа ангиллын визээр өмнө цагийн ажил хийх боломжтой/技術・人文知識・国際業務の在留資格で、アルバイトができる制度

*