Тусгай үйл ажиллагааны виз – Токүтэйкацүдо/特定活動

2020-02-04  

Тусгай үйл ажиллагааны виз – Токүтэйкацүдо
Тус визний ангилалд доорх ажил алба хамаарах ба доорх чиглэлийн дагуу тус визийг хүсэх боломжтой.
1. Дипломатууд
2. Сонирхогчдын тамирчид болон тэдний гэр бүл
3. Дадлагажигч /internship/
4. Судалгааны тодорхой үйл ажиллагаа явуулах
5. Мэдээлэл боловсруулах тусгай үйл ажиллагаа явуулах
6. Эх орондоо болон Япон /бусад орон байж болно/ Их дээд сургууль төгсөгчид, тэдний гэр бүл гэх мэт иргэдийн хувьд тус визийш мэдүүлдэг өгөх боломжтой.
Токүтэйкацүдо ангилалын оршин суух зөвшөөрлийг дотор нь 3 ангилана.
1. Хууль, эрх зүйн /Hootei tokuteikatsudo/
2. Олон нийтийн тусгай үйл ажиллагаа /Kokuji tokuteikatsudo/
3. Мэдэгдлээс гадуурх /Kokuchigai tokuteikatsudo/
Дээрх 1 ба 2-т хамаарагдах визний тухайд эх орноосоо Япон улс руу хүсэлт илгээж болно. Харин 3-т хамаарагдах визний тухайд Япон улсад оршин суугаа иргэн ангилалаа солиулах хооронд түр завсардах тохиолдолд Tokuteikatsudo нэрээр олгох тохиолдлыг хэлнэ. Их дээд сургуулиа төгссөн оюутан компанид ажилд орох болон ажилд орход бэлдэхэд зориулсан Токүтэйкацүдо виз
Япон улсад их дээд сургууль төгссөн /дээд боловсролтой/ оюутан цаашид Япон улсад ажиллаж амьдрах зорилгоор компанийн үндсэн ажилтнаар ажил хайх, хайж олсоны дараах бичиг баримт бүрдүүлэлт, ярилцлага өгөх зэрэгт цаг хугацаа их шаарддаг. Энэ үйл ажиллагааг нь дэмжих зорилгоор сургуулиа төгссөн оюутанд тус ангилалын визийг олгодог. 3сар, 6сар, 1жил гэх хугацаагаар олгогдох бөгөөд цаашид үргэлжлүүлэн сунгагдах боломжтой виз юм.
Өндөр настан эцэг, эхээ Япон улсад урих токүтэйкацүдо
Япон улсад тогтвортой оршин суугчийн /Эйжүша/ өндөр настай эцэг эхийг тухайн нутагт нь харж хандах хүнгүй, өөрийн биеэр очиж асран хамгаалах цаг хугацаа, боломжгүй гэх шалтгаануудаар мэдүүлэг өгч тус визийг горилох боломжтой. Харин 1-аас дээш жил болон түүнээс дээш жилээр сунгагдах үндэслэлтэй иргэнд Тэйжүша гэх нэрээр олгогдоно.
Эх орондоо харихад бэлтгэх Токүтэйкацүдо
Оршин суух зөвшөөрлийн сунгалт болон өөрчлөх мэдүүлгийг хүлээн зөвшөөрөөгүй тохиолдолд нутагтаа харих бэлтгэл болгож 30 хоногийн Тозүтэйкацүдо визийг олгодог байна. Харин харих бэлтгэлийн хугацаанд өмнө нь оршин суусан зөвшөөрлөөс хамааран аливаа гэрээ хэлэлцээр цуцлахтай холбоотой шаардлага гарахад 2сар, 4сар зэргээр мөн өөр шалтгаанаар хугацаа сунгагдах тохиолдол байдаг.
Урт хугацаа шаардагдах эмчилгээ, эмнэлэгт хэвтэхэд зориулсан Токүтэйкацүдо
Тухайн өвчөтний өвчний түүх, өвчний онош, эмчилгээний арга, эмчийн тодорхойлолтыг үндэслэн Япон улсын эмнэлэгт зайлшгүй хэвтэн эмчлүүлэх тохиолдолд 1сар, 3сар, 6сар, 1жил хэмээх хугацаагаар энэхүү виз олгогддог байна. Эрүүл мэндийн даатгалд хамрагдах боломжгүй.
Nanmin shinsei буюу сүүлийн үед газар аваад байгаа Япон улсад цагаачлах орогнол хүссэн визийг горилсон эхний үе шатнд олгодог Токүтэйкацүдо
Өөрийн улсын харъяаллаас бүрэн гарч Цагаачилах визийг горилогч нь Япон улсад цагаачлах зайлшгүй шалтгаантай (эх оронд нь дайн байлдаантай, хяхалт хавчлагатай, гүтгэлэг доромжилолт автсан зэрэг өөрийн улсад амьдрах боломжгүй) хүмүүс мэдүүлдэг. Яг цагаачлагч визний зөвшөөрлийг бүрэн авах хүртэл 1-2 жил заримдаа түүнээс илүү хугацаа зарцуулагдана. Энэ төрлийн ангилал нь мөн Токүтэйкацүдо ангилалд ордог байна.
Тус ангилалын визнээс бусад ангилалын визрүү шилжих боломж бий ч шүүлт, шалгуурын хувьд мэдээж хатуу байдаг.
Дээр дурьдсан шалтгаануудаас гадна түр оршин суух зайлшгүй нөхцөл байдалд Тозүтэйкацүдо визийг олгож болно.
Визний мэдүүлэгийн бичиг баримт нь тухайн хүний Япон улсад явуулах үйл ажиллагаанаас шалтгаалан харилцан адилгүй байна.
Виз мэдүүлэгч нь нөхцөл байдлаа үнэн зөвөөр баталж нотлох бүх бичиг баримтыг сайн бүрдүүлэх хэрэгтэй. Шууд зөвлөхөд хууль зүйн товчоогоор дамжуулан зөвөлгөө авч бүх бичиг баримтаа бүрдүүлүүлэн найдвартай визээ гаргуулсан нь дээр байх.
Тус хугацаанд ажил хөдөлмөр эрхлэх хориотой гэдгийг анхаараарай.


Хамгийн сүүлийн 10 нийтлэл

2020-09-28
Япон улсын Эрүүл мэндийн даатгал/日本の医療保険について

2020-09-28
Оршин суух зөвшөөрөл 特定技能/Тусгай ур чадвартай ажилтан Монгол хэл дээрх зурагт мэдээлэл

2020-09-25
Тусгай ур чадвартай ажилтан 1-р зэрэг болон 2-р зэрэг/特定技能1号と2号の違いについて

2020-09-25
Тусгай ур чадвартай ажилтан 1-р зэрэг/特定技能1号-т нийт 14-н салбарт хийж гүйцэтгэх ажил үүрэг

2020-09-24
Шинэ төрлийн Корона вирус дэгдсэнтэй холбоотойгоор Ажлаас халах, чөлөөлөх/新型コロナウイルスの影響を受けて退職・解雇された場合

2020-09-23
Япон улсад ажиллаж буй иргэддээ Япон улсын Эрүүл мэнд, нийгмийн хамгаалал, хөдөлмөрийн яамны Монгол хэл дээрх цахим хуудас болон Монгол хэл дээрээ утасаар зөвөлгөө авах боломжтой болсон тухай мэдээлэл хүргэж байна/就労条件に関する総合情報サイト (確かめよう就労条件をモンゴル語版)

2020-09-23
Япон улсад гэрлэлтээ цуцлуулах тохиолдолд/婚姻の解消について(モンゴル国)

2020-09-23
Япон улсад гэрлэлтийн бүртгэл хийлгэх тухай/婚姻証明書の手続きについて(モンゴル国)

2020-09-23
Япон улсад төрсөн хүүхдийн төрсний бүртгэл хийлгэх тухай/新生児 出生証明書の手続きについて(モンゴル国)

2020-09-23
Анх удаагаа Япон Улсад зорчих гэж байгаа бол/初めて日本へおいでの方へ

*