Оршин суух зөвшөөрлийн эрхийг түдгэлзүүлэх（цагаачлалын албаны хуулийн 22-р зүйлийн 4） /在留資格の取消し（入管法第22条の４）

Оршин суух зөвшөөрлийг хүчингүй болгох тухай хуулийн заалтыг та бүхэндээ тодорхой жишээ авч ойлгомжтой мэдээлэл хүргэхээр зорилоо. 在留資格の取消/ざいりゅうしかくのとりけしгэдэг нь Японд оршин сууж буй гадаадын иргэн Япон улсад оршин суух зөвшөөрөл хүсэхтэй холбоотой худал мэдүүлэг өгөх, хуурамч бичиг баримт бүрдүүлэх болон оршин суух ангилалд заагдаагүй болон хууль бусаар ажил хөдөлмөр эрхлэх зэргийг хамааруулан, оршин суух зөвшөөрлийн хуулийн хүчинтэй хугацаа нь дуусаагүй байсан ч цуцлах эрх бүхий хуулийн тусгай заалтыг хэлнэ.

Манай иргэдийн хувьд ①技術・人文知識・国際業務/ぎじゅつ・じんぶんちしき・こくさいぎょうむ、ур чадвар, хүмүүнлэг, олон улсын үйл ажиллагааны чиглэлээр ажиллах эрхтэй иргэн. Жишээлбэл: Тус ангиллын визтэй иргэн оюуны хөдөлмөр эрхлэх заалттай бөгөөд манайхны хэлж заншсанаар оффисын ажил эрхлэх юм. Гэвч барилга дээр ажиллах, зөөгч угаагч хийх, үндсэн ажлаас гадна цагийн ажил давхар хийх, асаргаа сувилгааны ажил хийх зэрэг биеийн хүчний ажил хориотой. Мөн та ангиллын дагуу ажиллаж байгаад ажлын байраа сольсон тохиолдолд заавал Цагаачлалын албанд мэдээлэх хэрэгтэй бөгөөд эхний ажлаасаа гарч дараа ажилд орох хамгийн дээд талын хугацаа 3-н сар гэдгийг анхаарах хэрэгтэй. Энэ юу гэсэн үг вэ гэхээр виз ний хуулийн хүчинтэй хугацаа дуусаагүй гэдгээр тус 3-н сар хэтэрсэн байвал виз цуцлагдах болохыг анхаараарай. Хэрэв ийм асуудал танд тулгарсан бол бидэнд хандаарай. Бид танд хуулийн талаас нь мэдээлэл өгч боломж байгаа эсгийг тодруулж өгөх болно.    

②留学/りゅうがく  Япон улсын нутаг дэвсгэрт үйл ажиллагаа явуулаж буй эрх бүхий сургуульд богино болон урт хугацаагаар сурах эрх бүхий оршин суух виз, насны хязгаар байхгүй. Жишээлбэл: Сурах визтэй иргэн 2 жилийн Япон хэлний бэлтгэлд ирсэн боловч виз буюу оршин суух зөвшөөрөл гарсан гэдгээр санаа амарч хичээлдээ явахгүйгээр дан ажил хийх тохиолдолд хасагдана. Мөн сурах визтэй иргэн 7 хоногт 28 цаг цагийн ажил хийх эрхтэй байдгийг зөрчин байнга хэтрүүлэн ажиллах тохиолдолд дараа виз сунгалт дээр баригдаж хэдийгээр суралцах хугацаа дуусаагүй байсан ч хүнд байдалд ордог.

③配偶者（永住者の配偶者）/はいぐうしゃ（えいじゅうしゃのはいぐうしゃ）Япон улсын иргэний гэр бүл байх болон, Япон улсад байнгын оршин суух эрхтэй иргэний гэр бүл байх тохиолдолд олгох виз.

Япон иргэний эхнэр / нөхөр / -ийн Японд хамтдаа гэр бүл болон оршин суух  (Япон эцэг, эхтэй хүүхэд ба тусгай үрчлэгдсэн хүүхдүүдээс бусад) эсвэл  Японд байнгын оршин суух эрхтэй иргэний гэр бүл буюу эхнэр, нөхөр байх тохиолдолд багадаа 6 сар идэвхтэй ажиллаагүй тохиолдолд цуцлаж болдог байна.