Коронавирусын тархалт нэмэгдэж байна/新型コロナウイルス感染者の拡大(日本)

2020-02-18  

Коронавирусын тархалтаараа Япон Улс Хятад улсын дараа орохоор голомт болоод байгааг Япон Улсын Засгийн газрын онцгой комиссын 10 дахь удаагийн хуралдаанаар өнгөрөгч ням гарагт хуралдаж, улсын бэлэн байдлын зэрэглэлээ өндөрсгөлөө. Уг өвчний  тархалт одоогийн байдлаар нийслэл Токио хот, Окинава муж, Вакаяма мужид илэрсэн. Цаашид тархалт огцом нэмэгдэх хандлагатай байна.
Улсын хэмжээнд нийт 536 зөвлөгөө мэдээлэл өгөх газрыг 24 цагаар ажиллуулах, уг өвчний тархалт нэмэгдсэн тохиолдолд бэлэн байлгах зорилгоор эмнэлгийн тоог 726 байсныг нэмэгдүүлэн 800 болгох шийдвэр тус тус гаргалаа. Мөн Ерөнхий сайд орон нутгийн засаг захиргаа, мэргэжлийн байгууллага хоорондын мэдээллийн уялдаа, зохион байгуулалтыг сайжруулахад анхаарах үүргийг комиссын гишүүдэд үүрэг болгожээ.
Түүнчлэн өвчний тархалтыг хязгаарлах үүднээс иргэдийг онц шаардлагагүй бол гадагш гарахаас аль болох зайлсхийх хэрэгтэйг анхааруулж, компани, аж ахуйн нэгжүүд ажилчдадаа цахим хэлбэрээр ажиллах боломжийг дэмжин олгох, ажил цуглах, тарах зэрэг хүний хөдөлгөөн их цагуудад нийтийн тээврийн хэрэгслээр зорчихоос зайлсхийх тухай мэдээлэл гаргасан. Мөн олон нийтийг хамарсан арга хэмжээнүүдийг цуцалж эхлээд байна. Үүний нэг жишээ жил бүрийн 23 ны өдөр зохион байгуулдаг Япон Улсын Цог жавхлант Эзэн хаан Нарухитогийн мэндэлсэн өдрийг тохиолдуулан Эзэн хааны ордонд энгийн иргэд цуглаж Эзэн Хааны зүгээс иргэддээ хандаж мэндчилгээ дэвшүүлдэг үйл ажиллагааг энэ вирусийн тархалтаас болж зохион байгуулахгүй байхаар шийдээд байна. Манай Япон дахь Монгол иргэдийн холбоо мөн иргэдийнхээ аюулгүй байдлын үүднээс Цагаан сарын баярын үйл ажиллагааг албан ёсоор цуцалсныг мэдэгдээд байгаа билээ. Та бүхэн маань дор бүрээ бие бодож, хувцас, хоол ундаа сайн зохицуулж, сэрэмжтэй байхыг уриалж байна.
БУЛАН хууль, эрх зүй, албан бичиг боловсруулалт, визний үйлчилгээ хариуцсан байгууллага.


Хамгийн сүүлийн 10 нийтлэл

2020-09-30
Амьдралд хэрэгтэй 10-н зөвөлгөө/強く生きる10つの方法

2020-09-29
Ажлын байрны гэмтэл, бэртэл, өвчин зэргийн нөхөн олговор (үйлдвэрийн осол мэргэжлээс хамаарах даатгал)/仕事でのけが・病気などの補償(労災保険)

2020-09-29
“Тусгай ур чадвартай ажилтан” гэдэг оршин суух зөвшөөрлийн шинэ ангиллын тухай/特定技能ビザに関するモンゴル語版での日本の外務省の公式ページ

2020-09-29
Эрүүл мэнд хөдөлмөрийн аюулгүй ажиллагааны тухай/健康と労働安全衛生法の内法・健康診断などについて

2020-09-28
Япон улсын Эрүүл мэндийн даатгал/日本の医療保険について

2020-09-28
Оршин суух зөвшөөрөл 特定技能/Тусгай ур чадвартай ажилтан Монгол хэл дээрх зурагт мэдээлэл

2020-09-25
Тусгай ур чадвартай ажилтан 1-р зэрэг болон 2-р зэрэг/特定技能1号と2号の違いについて

2020-09-25
Тусгай ур чадвартай ажилтан 1-р зэрэг/特定技能1号-т нийт 14-н салбарт хийж гүйцэтгэх ажил үүрэг

2020-09-24
Шинэ төрлийн Корона вирус дэгдсэнтэй холбоотойгоор Ажлаас халах, чөлөөлөх/新型コロナウイルスの影響を受けて退職・解雇された場合

2020-09-23
Япон улсад ажиллаж буй иргэддээ Япон улсын Эрүүл мэнд, нийгмийн хамгаалал, хөдөлмөрийн яамны Монгол хэл дээрх цахим хуудас болон Монгол хэл дээрээ утасаар зөвөлгөө авах боломжтой болсон тухай мэдээлэл хүргэж байна/就労条件に関する総合情報サイト (確かめよう就労条件をモンゴル語版)

*