Ажиллах виз гарах үнэлгээг өндөрсгөдөг Коёориюүшёо /就労ビザの許可率を上げる雇用理由書について

Ажиллах виз авахад чухал үүрэг гүйцэтгэдэг Коёориюүшёо/雇用理由書 гэдэг нь тухайн гадаадын иргэнийг Японд ажиллуулах буюу хүлээн авах байгууллага, компанийн түүхэн замнал, үйл ажиллагааны чиглэл, тогтвортой хөрөнгө санхүүтэй байх зэргээс эхлэн тухайн ажилтныг яагаад авч ажиллуулах шаардлага гарсан болон тухайн хүний давуу тал, ур чадваруудыг сайтар тусгасан Цагаачлалын албанд өгдөг албан бичгийн нэг юм. Цаашлаад виз мэдүүлэгчийн боловсрол /ажиллах виз мэдүүлэх иргэд эх орондоо юм уу, Япон улсад их дээд сургууль эсвэл мэргэжлийн сургууль төгссөн байх шаардлагатай байдаг/, ажил мэргэжил, ур чадвар, дадлага туршлага, гэр бүлийн байдал, зорилго зэргийг бүгдийг нарийн тусгаж тайлагнадгаараа чухал байдаг. Тус бичгийг Японы ихэнх байгууллага, компаниуд Гёосэйшоши/行政書士 буюу хууль зүйн албан бичиг төлөөлөн боловсруулах тусгай эрх бүхий хуулийн мэргэжилтэнд хандан хийлгүүлдэг. Зарим манай иргэдийн хувьд цагийн ажил хийдэг газраа үндсэн ажилтнаар орох, сургуулиа төгсөөд мэргэжлээрээ ажиллах, ажлын визийн хуулийн хугацаагаа сунгуулах, өөр ангиллын визээс ажиллах виз болгон өөрчлөх зэрэгт хувиараа визээ мэдүүлэх болсон. Үүнд нь бага боловч туслах үүднээс гол аргачлал болон анхаарах зүйлсийг оруулж байна.

*Анхаарах 3 чухал зүйл байдаг:

1.　Ажиллуулах компанийн тойм, танилцуулаг/雇用主の会社の概要 　           2.Ажил горилогчийн ажил үүргийг тодорхойлолт/入社後に行う具体的な業務内容
3.Ажиллуулах байгууллага, компанийн үйл ажиллагаатай ажил горилогчийн боловсрол, ур чадвар уялдах/雇用する外国人の学歴との関連性