Корона вирустай холбоотой голомтын бүсийн мэдээлэл/新型コロナウイルス、北京・ニューヨーク・モスクワ

2020-04-01  

БЭЭЖИН. /China Daily/. БНХАУ-д даваа гаргийн байдлаар коронавирусний халдварын шинж тэмдэггүй 1541 хүн эмнэлгийн хяналтад байгаагаас 205 нь хилийн чанадаас ирсэн гэж тус улсын Үндэсний эрүүл мэндийн комисс мягмар гарагт мэдээллээ.

Хятад улс өнөөдрөөс халдварын шинж тэмдэггүй вирус тээгчдийн мэдээллийг танилцуулж эхэлж байгаа юм. Үндэсний эрүүл мэндийн комиссын мэдээлснээр, халдварын шинж тэмдэггүй хүмүүс ч мөн олон хүнд халдвар тараах магадлалтай ажээ.

“Халдвар авсан хэдий ч шинж тэмдэг илрээгүй байгаа хүмүүсийн учруулах эрсдэл нэмэгдэж буйтай холбоотойгоор манай улс лхагва гаргаас ийм төрлийн хүмүүсийн тоо, нөхцөл байдлын талаар мэдээлж эхэлнэ” гэж тус комиссын Халдварт өвчнийг хянах товчооны дарга Чан Жилэ мягмар гарагт мэдэгджээ. Тус улсад өмнө нь ийм хүмүүсийг нийт тоон үзүүлэлтэд оруулдаггүй байсан юм.

Одоогийн судалгаануудаас үзэхэд шинж тэмдэг илрээгүй хүмүүс халдвар тараах эрсдэлтэй хэмээн үзэж байгаа боловч энэ талаар цаашид нарийвчлан судлах шаардлагатай байгаа юм. Зарим судлаачийн үзэж буйгаар, ханиах, найтаах зэрэг шинж тэмдэг илрээгүй хүмүүсийн халдвар тараах эрсдэл батлагдсан тохиолдлуудынхаас харьцангуй бага байх магадлалтай аж.

Чан Жилэгийн мэдэгдсэнээр, халдварын шинж тэмдэг илрээгүй хүмүүс болон тэдний ойрын хавьтлуудыг 14 хоног тусгаарлах бөгөөд шинж тэмдэггүй хүмүүсийн давтан шинжилгээний хариу сөрөг гарах хүртэл тусгаарлалтаас гаргахгүй ажээ.

НЬЮ-ЙОРК. /TASS/. АНУ-д коронавирусний халдвараар өдөрт нас барсан хүний тоо анх удаа 500 давлаа гэж CNN телевиз мэдээлжээ. Тус телевиз холбооны улсын болон орон нутгийн эрх баригчдын мэдээлэлд үндэслэн тооцооллоо гаргадаг байна.

CNN телевизийнхний тооцоолсноор, зөвхөн даваа гарагт гэхэд АНУ-д коронавирусний халдвар авсан хүмүүсийн 502 нь нас барсан байна. Энэ нь тус улсад нэг өдөрт бүртгэгдсэн нас баралтын хамгийн өндөр үзүүлэлт аж. АНУ-д нас барсан тохиолдлын нийт тоо 2931 болж өссөн байна.

Харин Жонс Хопкинсийн нэрэмжит их сургуулийн мэдээлж байгаагаар, тус улсад коронавирусний халдвар авсан хүний тоо 160 мянга давж, 2978 хүн нас барсан бол 5644 хүн эдгэрсэн байна.

МОСКВА. /RIA Novosti/. АНУ-д коронавирусний халдвар авсны улмаас нас барсан хүний тоо 4000 давлаа гэж Жонс Хопкинсийн нэрэмжит их сургууль мэдээлжээ.

Өмнө нь 3900 хүн нас барсан гэж мэдээлж байв. АНУ-д коронавирусний халдвар авсан нийт хүний тоо 189 500 болсон бөгөөд тус улс энэ үзүүлэлтээр нэгдүгээрт орж байгаа бол нас баралтын тоогоор Итали, Испани улсын дараа орж байна. Сүүлийн 24 цагийн хугацаанд АНУ-д 865 хүн нас баржээ.

ДЭМБ-аас хамгийн сүүлд мэдээлснээр, дэлхий даяар коронавирусний халдвар авсан хүний тоо 750 мянга давж, 36 мянга гаруй хүн нас барсан байна.


Хамгийн сүүлийн 10 нийтлэл

2020-10-31
Зарлал/お知らせ

2020-10-29
Япон улсад ур чадвартай дадлагажигч гаргах тухай товч тайлбар/特定技能についてモンゴルの政府からのお知らせ 重要!!!

2020-10-29
Буцах визээр Япон улсад буй иргэдийн анхааралд/帰国準備ビサで在留中のモンゴル人の皆さんへ 重要!!!

2020-10-27
Тусгай үүргийн нислэгээр явах иргэдийн анхааралд/10月28日の特別便で帰国される皆知っている

2020-10-27
Япон улсад их дээд сургууль болон магистер төгссөн, Япон хэлний N1 түвшинтэй бол Токүтэйкацүдо-46 виз горилоно/特定活動46号(日本の大卒者でN1合格者)

2020-10-27
2020 оны 11 сард үйлдэгдэх тусгай үүргийн нислэгийн хуваарь/11月に運航予定のミアットモンゴル航空会社特別便について

2020-10-22
Япон улсад ажиллаж буй гадаад иргэдийн тоон үзүүлэлт ба хөдөлмөр эрхлэлтийн тухай хуулийн товч мэдээлэл/在日外国人就労者と就労知識について

2020-10-22
Япон улсын Цагаачлалын албаны албан есний мэдээллийн бас нэгэн холбоос/東京出入国在留管理局の公式アカウントについて

2020-10-22
Корона вирусийн нөлөөтэй холбоотой гадаадын иргэдэд одоо хэрнэ үзүүлэж буй дэмжлэг/新型コロナウイルス感染症の影響に対する外国人及び受入れ機関への支援策①(外国人への支援)

2020-10-21
Япон улсад оршин сууж буй иргэн “Ур чадвартай ажилтан”/Токүтэйгино-1 ангиллын ажиллах виз болгох тухай/在留中の場合取得している在留資格を特定技能ビザに切り替える流れについて

*