“Коронавирус”-ийн тархалтыг аль болох богино хугацаанд зогсоон барих зорилгоор хүн хоорондын харилцах боломжийг дахин нэг дахин хязгаарлах/菅長官「もう一段ご協力を」 人と人との接触削減

2020-04-13  

“Коронавирус”-ийн тархалтыг аль болох богино хугацаанд зогсоон барих зорилгоор Япон Улсын Засгийн газраас хүн хоорондын харилцах боломжийг хязгаарлаж, “Онц байдал” зарлаж буй нийт 7 хот, мужийн иргэдийн 70-80 хувийг гэртээ байж, шаардлагагүй тохиолдолд гадагш гарахгүй байхыг уриалсан. Энэхүү арга хэмжээг хянах зорилгоор Засгийн газрын зүгээс гар утасны байршил тогтоогч зэрэг эх сурвалжаас авсан мэдээлэлд суурилан хотын иргэдийн хөдөлгөөн хаана хамгийн их ихэсч, буурч буй график мэдээллийг Засгийн газрын хэрэг эрхлэг газрын цахим хуудсанд байршуулахаар ажиллаж эхлээд байна.  Тус вирусийн нөлөөгөөр Олон улсын нислэгийн тоо эрс буурч буйтай холбогдуулан “Нарита” Олон улсын нисэх онгоцны буудал 2 нислэгийн зурвас байдгаас B зурвасыг өчигдрөөс эхлэн хаав. Япон улс нислэгийн зурвасаа хааж буй нь түүхэндээ анх удаагаа болж буй үйл явдал юм. Түүнчлэн “Нарита” буудлын зүгээс нийт ажилчдынхаа хоёрны нэг буюу 1000 орчим ажилтнаа түр хугацаанд ээлжээр амраах арга хэмжээг аваад байна. Мөн Корона вирусийн халдвар тархахаас сэргийлж шөнийн цэнгээний газрууд, их дээд сургууль, театруудыг 4 дүгээр сарын 11-ний өдрөөс 5 дугаар сарын 6-ний өдрийг хүртэл үйл ажиллагааг нь зогсоохоор шийдвэрлэсэн талаар мэдэгдээд буй. Үүнтэй холбогдуулан Токио хотын захиргаанаас үйл ажиллагаагаа зогсоосон аж ахуйн нэгжүүдэд болон ажилчдад 1 сая хүртэлх иений санхүүгийн зээлийн дэмжлэг үзүүлэхээр шийдвэрлэж, “халдварын тархалтаас сэргийлэх хамтын ажиллагааны сан”-г байгуулаад байгааг бид өмнө мэдээлэлж байсан билээ. Энэхүү сангаар дамжуулан жижиг дунд бизнес эрхлэгч нар мөн зээлийн санхүүгийн дэмжлэг авах нөхцөлийн талаарх нарийвчилсан мэдээллийг ирэх долоо хоногт олон нийтэд мэдэгдэхээр болоод байна. Япон Улсын Засгийн газраас шуурхай эдийн засгийн арга хэмжээг хэрэгжүүлэх хүрээнд орлого нь их хэмжээгээр буурсан компани, аж ахуйн нэгжүүдээс авах татварын хугацааг хойшлуулах зэргээр дэмжлэг үзүүлэхээр шийдвэрлэв. Орлого нь их хэмжээгээр буурсан компани, хувиараа бизнес эрхлэгч хүмүүсийн хэрэглээний, орон нутгийн, үл хөдлөх хөрөнгийн болон орлогын албан татвар зэргийн төлөх хугацааг 1 жилээр хойшлуулахаар болсон байна. Энэ оны 2 дугаар сараас хойш өмнөх оны мөн үеэс орлого нь 20-иос дээш хувиар нэг сараас дээш хугацаанд буурсан тохиолдолд одоог хүртэл төлөгдөөгүй буй татвар болон барьцаа мөнгөнөөс чөлөөлөхөөр болов. Энэхүү ажлыг хэрэгжүүлэх хүрээнд Сангийн яамны цахим хуудсанд уг хөнгөлөлтөд хамрагдах нөхцөл, бүртгүүлэх материал зэргийн талаарх мэдээллийг байршуулаад байгаа ажээ. Япон Улсын Засгийн газраас Токио, Чиба, Сайтама, Канагава, Осака, Хёого, Фукуока гэсэн нийт 7 хот, мужид “Онц байдал” тогтоогоод байгаа ч Токио хотод нэг өдрийн дотор хамгийн олон тохиолдол илэрсэн үзүүлэлт 5 дахь өдрөө дараалан 140-ыг даваад байна. Тухайлбал, 8-ний өдөр 144, 9-ний өдөр 178, 10-ний өдөр 189, 11-ний өдөр 197, өнөөдөр буюу 12-ний өдөр 165 хүн шинээр халдвар авсан нь тогтоогдон Токио хот дахь нийт халдварын тоо 2000 даваад байна.


Хамгийн сүүлийн 10 нийтлэл

2020-10-22
Япон улсад ажиллаж буй гадаад иргэдийн тоон үзүүлэлт ба хөдөлмөр эрхлэлтийн тухай хуулийн товч мэдээлэл/在日外国人就労者と就労知識について

2020-10-22
Япон улсын Цагаачлалын албаны албан есний мэдээллийн бас нэгэн холбоос/東京出入国在留管理局の公式アカウントについて

2020-10-22
Корона вирусийн нөлөөтэй холбоотой гадаадын иргэдэд одоо хэрнэ үзүүлэж буй дэмжлэг/新型コロナウイルス感染症の影響に対する外国人及び受入れ機関への支援策①(外国人への支援)

2020-10-21
Япон улсад оршин сууж буй иргэн “Ур чадвартай ажилтан”/Токүтэйгино-1 ангиллын ажиллах виз болгох тухай/在留中の場合取得している在留資格を特定技能ビザに切り替える流れについて

2020-10-21
Япон Улсад “Ур чадвартай ажилтан” илгээх хүлээн авах тогтолцоог хэрэгжүүлэх бүртгэлийн зар /現地では特定技能1号外国人人材の受付開催された

2020-10-21
Япон улсын “Виз” болон “Оршин суух зөвшөөрөл”-ийн тухай/ビザ(査証 )と在留資格について

2020-10-20
Япон улсад зорчих болон байх хугацаандаа мэдэж байх шаардлагатай мэдээлэл/日本へ出国予定の皆様の知っておくべきこと

2020-10-20
МИАТ-ийн тусгай үүргийн нэмэлт нислэг 10/28-нд гарах тухай/帰国者人数が多い為、ミアットモンゴル航空会社は10月に追加特別便を運航予定

2020-10-20
Япон улсын хилээр нэвтэрсний дараах хорио цээрийг цаашид хэрхэх тухай мэдээлэл/帰国者に対する検疫の流れと14日間の待機宿泊について

2020-10-20
Техник технологи, хүмүүнлэг, олон улсын харилцаа ангиллын визээр өмнө цагийн ажил хийх боломжтой/技術・人文知識・国際業務の在留資格で、アルバイトができる制度

*