Япон улсад амьдарч байгаа иргэдэд 100 мянган иен-ий буцалтгүй тусламж хэзээ, яаж олгогдох тухай/【解説】10万円給付金、いつから？受け取り方法は？

4/21-ний үдээс өмнө Абэ Шинзо ерөнхий сайд шинэ коронавирусийн хурдацтай тархалттай холбогдуулан хэвлэлийн бага хурал хийж гадуур гарч хүнтэй уулзахыг 70%〜80%-аар багасгахыг уриалж, онц байдлын хүрээнд даган мөрдөж буй иргэдэдээ талархаж буйгаа илэрхийлэн цаашид ч улам бүр анхаарал болгоомжтой байж халдвараас хамгаалахыг онцоллоо.
Та бүхний мэдэж байгаачлан 4 дүгээр сарын 17-ны өдрийн хэвлэлийн бага хурлаар шинэ коронавирустай холбогдуулан Япон улсад амьдарч байгаа иргэдэд 100 мянган иен-ий буцалтгүй тусламж олгохоор болсон билээ. Энэхүү тусламжийн мөнгийг 5 дугаар сараас эхлэн зөвхөн Япон улсын иргэдэд бус гадаадын иргэдэд ч бас олгоно. Шаардлага нь 2020 оны 4 дүгээр сарын 27-ны өдрийн байдлаар тус улсад оршин суух бүртгэлтэй иргэн байх ба тус бүртгэлтэй хаягруу шуудангаар өргөдөл илгээгдэн танд хүрэх болно. Тухайн гэр бүлийн өрхийн тэргүүний дансанд бусад гишүүдийн мөнгө хамт шилжигдэх тул мөнгө хүлээн авах дансны мэдээлэл зэргээ гаргацтай бөглөж хариу илгээх юм байна.
Тодруулах мэдээлэл: Гадаад иргэн энэхүү тусламжийн мөнгийг авахын тулд 「住民基本台帳」буюу оршин суугчийн үндсэн бүртгэлд бүртгэлтэй байх мөн「在留カード」буюу Япон улсад гурван сараас дээш хугацаагаар оршин суух эрхийн үнэмлэхтэй байх хэрэгтэй гэнэ. Учир нь цахимаар хүсэлт гаргах тохиолдолд「マイナンバー」 буюу иргэний бүртгэлийн дугаарыг ашиглаж авах боломжтой.

Тус картгүй иргэд шуудангаар хүсэлт гаргаж аваарай, цаашид тус картыг хэрэглэх бол амьдарч байгаа газрынхаа 「市役所・区役所」буюу хот, орон нутгийн захиргаандаа хандан хүсэлт гаргаж аваарай. Тус тусламжын мөнгө бизнес эрхлэгчид болон энгийн гэр бүлийг дэмжих зорилгоор тус улсын эрх баригчид 108 их наяд иений /1 их наяд ам.доллар/ хэмжээтэй эдийн засгийн багц тусламжийн арга хэмжээг урьд нь баталсан бөгөөд энэ нь тус улсын ДНБ-ий 20 хувьтай тэнцэж байгаа юм. (Доорх холбоосоор орж дэлгэрэнгүйг уншаарай)

https://www.msn.com/ja-jp/money/other/%e3%80%90%e8%a7%a3%e8%aa%ac%e3%80%9110%e4%b8%87%e5%86%86%e7%b5%a6%e4%bb%98%e9%87%91%e3%80%81%e3%81%84%e3%81%a4%e3%81%8b%e3%82%89%ef%bc%9f%e5%8f%97%e3%81%91%e5%8f%96%e3%82%8a%e6%96%b9%e6%b3%95%e3%81%af%ef%bc%9f/ar-BB12WFuV?ocid=spartanntp#image=1