Корона вирусийн тухай товч мэдээлэл/コロナウイルスと新型コロナウイルスについて

Корона вирусийг 1960-аад оны үед илрүүлсэн ба хамгийн анх олдсон нь тахиа дахь халдварт бронхит вирус, дараа нь хүний ​​коронавирус 229E ба хүний ​​коронавирус OC43 нэртэй дэгдэж байжээ. Үүнээс хойш энэ гэр бүлийн бусад гишүүдэд халдварласан нь  тогтоогдсон байна. Үүнд:

2003 онд SARS-CoV,

2004 онд HCoV NL63,

2005 онд HKU1,

2012 онд MERS-CoV,

2019 онд 2019-nCoV эдгээрийн вирусийн дийлэнх нь амьсгалын замын ноцтой халдварт өртүүлсэн явдал байна. 2019 оны 12 сарын сүүлээр БНХАУ-ийн Хубей мужид илэрсэн 2019-nCoV гэж нэрлэгдсэн тохиолдол болох Корона Вирус нь шинэ төрөл бөгөөд хүнд хэлбэрийнх юм. Шинэ төрлийн корона вирус нь SARS гэгддэг амьсгалын замын хурц халдварт өвчний вирустэй төстэй бөгөөд хүний аминд хүрэх тал нь ижил юм. Сүүлийн 20 жилд олныг хамарсан 3 удаагийн Корона вирусийн өөр өөр төрлийн тархалт болсон ба уг тархалтууд өөр өөр хэв шинжээр үүсгэгдсэн байдаг. Ихэвчлэн эрсдэлт бүлэг болох өндөр настай, архаг суурь өвчтэй хүмүүс илүү хүндээр өвдсөн, нас барсан мэдээлэл илүүтэй байна.

Халдварын эрсдэлийг гараа тогтмол угаах, бохир гараар нүд, ам, хамарт хүрэхгүй байх болон өвчилсөн хүнтэй ойр харилцахгүй байснаар бууруулах боломжтой. Өвчний эсрэг дархлаажуулалт болон өвөрмөц эмчилгээ байхгүй. Өвчний шинж тэмдгийг эмийн эмчилгээгээр бууруулна.Тус вирус 14 хоног хүртэл хугацаанд нууц үедээ байж, ханиадны шинж тэмдгээр эхлэн богино хугацаанд амьсгалын дутагдлаар хүндрэх аюултай.