Японд ажил эрхлэгчид тэтгэврийн даатгалаас гарахад олгогдох нэг удаагийн олговрын тогтолцоо/国民年金被保険者の受給金額・脱退一時金額 について

2020-05-14  

Японд ажил эрхэлж буй иргэн нь тухайн харьяалагдаж буй аж ахуйн нэгжийнх нь цар хүрээ болон үйл ажиллагааных нь төрөл зэргээс хамааран улсаас тогтоосон “Ажил эрхлэгчдийн тэтгэврийн даатгал” болон “Иргэдийн тэтгэврийн даатгалд” хамрагдаж даатгалын шимтгэл төлөх үүрэгтэй байдаг. Сар бүр олгогдох цалингаас даатгалын шимтгэлийг суутгаж аван аж ахуйн нэгж нь тухайн ажил эрхлэгчийн оронд даатгалын шимтгэлийнх нь төлбөрийг улсад мэдүүлэн төлнө. Тус даатгалын тогтолцоонд хамрагдаж байсан байсан л бол та бүр мөсөн нутаг буцах тохиолдолд хамрагдсан хувь хэмжээнээс шалтгаалан тодорхой хэсгийг буцаан олгуулах боломжтой байдаг. Энэ нь “Даатгалаас гарахад олгогдох нэг удаагийн олговор” гэдэг Япон улсын даатгалын тогтолцоо юм. Үүнд: Компанийн үндсэн ажилтан, гэрээт ажилтан, ур чадварын дадлагажигч бүгд хамаарна. Та илүү дэлгэрэнгүй мэдээллийг Японы тэтгэврийн даатгалын байгууллагаас нь асууж лавлана уу.

“Даатгалаас гарахад олгогдох нэг удаагийн олговор”-ыг авахад шаардагдах тогтсон нөхцөл байдаг.

1.       Японы иргэншилгүй байх.

2.       Ажил эрхлэгчийн тэтгэврийн даатгал эсвэл Иргэдийн тэтгэврийн даатгалын шимтгэлийг 6-аас дээш сар төлсөн байх.

3.       Японд оршин суугаа хаяггүй болсон байх./Дахин нэвтрэх зөвшөөрөл” болон “Дахин нэвтрэх тусгай зөвшөөрөл” авч Японоос гарах тохиолдолд “Шилжин гарах мэдэгдэл” хураалгасан тохиолдолд олгоно

4.       Урьд өмнө нь тэтгэвэр авах эрх үүсэж байгаагүй байх.

5.       Японд оршин суугаа хаяггүй болсноос хойш 2 жилийн дотор нэхэмжлэл гаргах.

“Даатгалаас гарахад олгогдох нэг удаагийн олговрын нэхэмжлэл гаргахдаа доорх 3-н төрлийн бичиг баримтыг хавсаргана. (Иргэдийн тэтгэврийн даатгал/ Ажил эрхлэгчдийн тэтгэврийн даатгал)”-д доорх 3-н бичиг баримтыг хавсарган Японы тэтгэврийн даатгалын байгууллагаас нэхэмжилнэ. Тус маягтыг Японы тэтгэврийн даатгалын байгууллагын цахим хуудаснаас татаж авах боломжтой

http://www.nenkin.go.jp/ service/jukyu/todoke/kyotsu/20150406.html

http://www.nenkin.go.jp/service/jukyu/todoke/kyotsu/20150406.files/A.pdf

* Нутаг буцахынхаа өмнө буюу Японд байхдаа нэхэмжлэл гаргах тохиолдолд

1. Паспортын хуулбар (Овог нэр, төрсөн он сар өдөр, иргэний харьяалал, гарын үсэг болон Японд оршин суух эрхийг нягтлах боломж бүхий хуудас)

2. Японоос гадагшаа шилжин гарахаар товлож буй талаар тусгагдсан “Оршин суугаа газрын захиргааны бүртгэлийн бичиг”ийн хуулбар юм уу, “Оршин суугаа газрын захиргааны бүртгэлээс хасагдсан бичиг” зэрэг.

3. “Банкны нэр”, “Банкны салбарын нэр”, “Банкны салбарын хаяг”, “Дансны дугаар”, болон “Данс эзэмшигч нь нэхэмжлэгч этгээд өөрөө мөн” болохыг нягтлах боломж бүхий бичиг баримт. /Олговрыг Япон дахь санхүүгийн байгууллагаар хүлээн авах тохиолдолд данс эзэмшигчийн нэр нь тухайн санхүүгийн байгууллагад катакана-гаар бүртгэгдсэн байх шаардлагатай. Юүчо банкаар “Даатгалаас гарахад олгогдох нэг удаагийн олговор”-ыг хүлээн авах боломжгүй.

4. Тэтгэврийн дэвтэр гэх мэт “Суурь тэтгэврийн дугаар” (4 орон – 6 орон, нийт 10 оронтой дугаар)-ыг нягтлах боломж бүхий бичиг баримт.

*Японоос гарсныхаа дараа нэхэмжлэл гаргах тохиолдол Дээр дурдсан бичиг баримт дээр нэмэн Паспортын хуулбарын  (Хамгийн сүүлд Японоос гарсан он сар өдрийг нягтлах боломж бүхий хуудас)

Илгээх хаяг  нь * Нутаг буцахынхаа өмнө, Японд байхдаа нэхэмжлэл гаргах тохиолдол Бөглөсөн нэхэмжлэлдээ хавсралт бичиг баримтыг хавсарган доор дурдсан хаяг луу илгээнэ үү. Илгээхдээ нэхэмжлэл тань “Оршин суугаа газрын захиргааны бүртгэлийн бичиг”-т тусгагдсан шилжин гарах (шилжин гарахаар товлосон) өдрөөс хойш Японы тэтгэврийн даатгалын байгууллагад хүрэхээр тооцоолж илгээнэ үү. Мөн таны оршин суугаа бүсийг хариуцдаг Тэтгэврийн даатгалын хэлтсийн цонхонд шууд хураалгаж ч болно. (Илгээх хаяг) Токио 168-8505, Сүгинами-кү, Така-идо ниши 3-5-24 Японы Тэтгэврийн Даатгалын Байгууллага (Гадаад үйл ажиллагааны групп) ※Энэ хаяг, дээрх 2-т дурдсан, татаж авах боломжтой маягтад бичигдсэн байгаа. (2) Японоос гарсныхаа дараа нэхэмжлэл гаргах тохиолдол Бөглөсөн нэхэмжлэлдээ хавсралт бичиг баримтыг хавсарган дээр дурдсан хаяг луу илгээнэ үү.

“Даатгалаас гарахад олгогдох нэг удаагийн олговор”-ийн олгогдох мөнгөн дүнгийн хэмжээ нь Японы тэтгэврийн даатгалд хамрагдсан сарын тооноос хамааран 36 сарыг дээд хязгаар болгон тооцогдоно. Олговрыг Японы тэтгэврийн даатгалын байгууллагад нэхэмжлэл гаргаснаас хойш ойролцоогоор 5 сарын дараа хүлээн авах боломжтой. Нэхэмжлэлийн бөглөх шаардлагатай зүйлс нь дутуу, бөглөсөн агуулга нь ойлгомжгүй байх тохиолдол болон хавсралт бичиг баримт нь учир дутагдалтай байх тохиолдолд нэмэлт хугацаа шаардагдах тул бичиг баримтаа бүрдүүлэхдээ маш анхааралтай хандана уу.

https://www.nenkin.go.jp/international/english/lumpsum/lumpsum.files/G.pdf


Хамгийн сүүлийн 10 нийтлэл

2020-10-31
Зарлал/お知らせ

2020-10-29
Япон улсад ур чадвартай дадлагажигч гаргах тухай товч тайлбар/特定技能についてモンゴルの政府からのお知らせ 重要!!!

2020-10-29
Буцах визээр Япон улсад буй иргэдийн анхааралд/帰国準備ビサで在留中のモンゴル人の皆さんへ 重要!!!

2020-10-27
Тусгай үүргийн нислэгээр явах иргэдийн анхааралд/10月28日の特別便で帰国される皆知っている

2020-10-27
Япон улсад их дээд сургууль болон магистер төгссөн, Япон хэлний N1 түвшинтэй бол Токүтэйкацүдо-46 виз горилоно/特定活動46号(日本の大卒者でN1合格者)

2020-10-27
2020 оны 11 сард үйлдэгдэх тусгай үүргийн нислэгийн хуваарь/11月に運航予定のミアットモンゴル航空会社特別便について

2020-10-22
Япон улсад ажиллаж буй гадаад иргэдийн тоон үзүүлэлт ба хөдөлмөр эрхлэлтийн тухай хуулийн товч мэдээлэл/在日外国人就労者と就労知識について

2020-10-22
Япон улсын Цагаачлалын албаны албан есний мэдээллийн бас нэгэн холбоос/東京出入国在留管理局の公式アカウントについて

2020-10-22
Корона вирусийн нөлөөтэй холбоотой гадаадын иргэдэд одоо хэрнэ үзүүлэж буй дэмжлэг/新型コロナウイルス感染症の影響に対する外国人及び受入れ機関への支援策①(外国人への支援)

2020-10-21
Япон улсад оршин сууж буй иргэн “Ур чадвартай ажилтан”/Токүтэйгино-1 ангиллын ажиллах виз болгох тухай/在留中の場合取得している在留資格を特定技能ビザに切り替える流れについて

*