Япон хэлний түвшин тогтоох шалгалт гэж юу вэ/日本語能力試験とは何ですか。

2020-05-14  

Япон хэлний төвшин тогтоох шалгалт гэж ямар шалгалт болох тус шалгалтыг өгөх ямар шаардлагатай вэ гэсэн асуултыг нэгэн оюутан надаас асууснаар би энэ тухай судалж нийтлэл болгон бэлдлээ. Хамгийн хачирхалтай нь надад маш сайн мэддэг мэт санагдаж байсан хэдий хангалттай оновчтой мэдээлэл өгч чадаагүй гэж бодож сууна. Үүнийг уншаад илүү дэлгэрэнгүй мэдээлэл аваарай.

Гадаадын иргэд бид Япон хэлийг сурч судлах болсон шаардлага, шалтгаанууд нь бүгд өөр өөр гэдэгт итгэлтэй байна. Гэр бүлийн нөлөө, орчны нөлөө, сонирхол, чин эрмэлзэл, санаандгүй байдлаар сурч эхэлсэн гээд олон төрөл байх. Намайг бага байхад “Ном бол Ертөнцийг харах цонх мөн гэдэг байлаа харин одоо Гадаад хэл бол Ертөнцийг харах цонх гэдэгтэй би санал нийлнэ…

Дэлхийн олон улс орны дотроос Япон орныг сонгон хэл соёлыг сурч буй бид өөрийгөө байнга сорьж туршиж, сайжруулж байх шаардлагатай болдог. Бидний хэлний чадварыг шалгаж, үнэлэн тухайн улсаас магадалдаг хэд хэдэн төрлийн шалгалтууд байдаг  ба түүний нэг нь JLPT / Япон хэлний төвшин тогтоох улсын шалгалт юм.  Хамгийн анхан шатны төвшин болох N5-аас хамгийн өндөр төвшин болох N1 хүртэл нийт 5 шатлалаар төвшинг хуваадаг. Та өөрийн сонгосон аль ч төвшний шалгалтын асуултыг албан ёсны цахим хуудсаар нь дамжуулан ажиллаж үзэх боломжтой бөгөөд туршилтын журмаар нь өөрийгөө шалгаж үзэхийг санал болгож байна. (Мөн шалгалт өгөх өдөр болон цахим бүртгэлийн талаар ч цаг тухай бүр нь мэдээлэл нь тавигддаг байгаа. Бүртгэлийг зөвхөн интернетээр хүлээн авдаг.)
Энэ шалгалтыг өгссөний давуу тал их байдаг. Япон хэлийг тууштай сурч товч хэлэхэд Япон Монгол 2 улсын хооронд шинэ гүүр болох хүсэлтэй байгаа бол заавал авахыг зөвлөж байна.

Тус шалгалт нь Японы 47 мужууд болон гадаадад жилд 2 удаа (7 дугаар сар, 12 дугаар сар) зохион байгуулагддаг. Зарим оронд жилд 1 удаа зохион байгуулах тохиолдол байна.7 дугаар сарын шалгалтын өргөдөл хүлээн авах хугацаа нь 4 дүгээр сарын сүүлч хүртэл байх жишээтэй. Иймд албан ёсны цахим хуудсанд бүртгүүлбэл их зүгээр гэж зөвлөмөөр байна.

Хувийн зүгээс Япон хэлийг суралцахад тасралтгүй давтах шаардлагатай бөгөөд уг шалгалтад ч гэсэн түр хугацаанд давтаад тэнцэх хэцүү. Шалгалт өгөгчдөд зориулсан номууд номын сангуудаар байгаа. Нэг бол ч цахим хуудсаар нь орж шалгалтын даалгавруудыг гүйцэтгэж үзэх хэрэгтэй. Нэг удаа хийгээ орхилгүйгээр, олон удаа давтаарай.

Япон хэл суралцах нь ханзны үг хэллэг, хирагана үг хэллэг, гадаад хэлнээс орж ирсэн катакана үг хэллэг, за цаашлаад хар ярианы үг хэллэг, хүндэтгэлийн үг хэллэг, үйлчилгээний ажилтны үг хэллэг, мэргэжлийн үг хэллэг гээд маш хүнд хэцүү байж магадгүй хэдий ч та бүхэн идэвхтэйгээр суралцана гэж найдаж байна. Асууж тодруулах зүйл байвал бидэнд хандаж заавар зөвлөгөө авч болно.

 http://www.jlpt.jp


Хамгийн сүүлийн 10 нийтлэл

2020-09-29
Ажлын байрны гэмтэл, бэртэл, өвчин зэргийн нөхөн олговор (үйлдвэрийн осол мэргэжлээс хамаарах даатгал)/仕事でのけが・病気などの補償(労災保険)

2020-09-29
“Тусгай ур чадвартай ажилтан” гэдэг оршин суух зөвшөөрлийн шинэ ангиллын тухай/特定技能ビザに関するモンゴル語版での日本の外務省の公式ページ

2020-09-29
Эрүүл мэнд хөдөлмөрийн аюулгүй ажиллагааны тухай/健康と労働安全衛生法の内法・健康診断などについて

2020-09-28
Япон улсын Эрүүл мэндийн даатгал/日本の医療保険について

2020-09-28
Оршин суух зөвшөөрөл 特定技能/Тусгай ур чадвартай ажилтан Монгол хэл дээрх зурагт мэдээлэл

2020-09-25
Тусгай ур чадвартай ажилтан 1-р зэрэг болон 2-р зэрэг/特定技能1号と2号の違いについて

2020-09-25
Тусгай ур чадвартай ажилтан 1-р зэрэг/特定技能1号-т нийт 14-н салбарт хийж гүйцэтгэх ажил үүрэг

2020-09-24
Шинэ төрлийн Корона вирус дэгдсэнтэй холбоотойгоор Ажлаас халах, чөлөөлөх/新型コロナウイルスの影響を受けて退職・解雇された場合

2020-09-23
Япон улсад ажиллаж буй иргэддээ Япон улсын Эрүүл мэнд, нийгмийн хамгаалал, хөдөлмөрийн яамны Монгол хэл дээрх цахим хуудас болон Монгол хэл дээрээ утасаар зөвөлгөө авах боломжтой болсон тухай мэдээлэл хүргэж байна/就労条件に関する総合情報サイト (確かめよう就労条件をモンゴル語版)

2020-09-23
Япон улсад гэрлэлтээ цуцлуулах тохиолдолд/婚姻の解消について(モンゴル国)

*