Япон улсад урт хугацаагаар сурч,ажиллаж амьдрах гадаадын иргэдэд олгодог шар хуудасны хуулийн хүчинтэй хугацааг сунгалаа/在留資格認定証明書の有効期間に係る新たな取扱いについて

🌸🌸🌸Япон улсын Цагаачлалын албанаас 2020 оны 6 дугаар сарын 26-ний өдөр буюу өчигдөр гадаадын иргэдийн оршин суух зөвшөөрөлтэй холбоотой шинэ мэдээлэл гаргасныг хүргэж байна🌸🌸🌸.
Шинэ төрлийн Корона вирусийн нөлөөнөөс болж Япон улсад сурч, ажиллаж амьдрах зорилгоор оршин суух зөвшөөрлийн виз нь гарсан боловч хуулийн заасан хугацаа болох 3-н сар дотор амжиж ирж чадахгүй байгаа иргэдэд дэмжлэг үзүүлэн тус хугацааг 6-н сарын хугацаатай болгон дахин 3-н сараар сунгаад байсан билээ. Гэвч энэ хугацаа мөн хангалтгүй байсан ба тухайн иргэний визийн зөвшөөрлийн хугацаа нэгэнт дууссан тохиолдолд дахин виз мэдүүлэх шаардлагатай тулгараад байсан юм. Энэ нь бүх бичиг баримтыг дахин шинээр бүрдүүлэн мэдүүлэх хэрэг бөгөөд аль аль талдаа хүндрэлтэй үр дүн гарсаар байв.
Харин өчигдрөөс эхлэн энэ нөхцөл байдал дуусгавар болж 2019 оны 10 дугаар сарын 1-с 2021оны 1дүгээр сарын 29-ний өдрийг хүртэл хугацаанд үйлдэгдсэн визийн зөвшөөрлийн хилээр нэвтрэх эрхийн хугацааг 2021 оны 4 дүгээр сарын 30-ний өдөр хүртэл хугацаан дотор хүчинтэйд тооцохоор болжээ.
Жишээлбэл: 2020 оны 1 сарын 1-нд виз нь гарсан иргэний 在留資格認定証明書/шар хуудасны хуулийн хугацаа 7 дугаар сарын 1-нд дуусах ба энэ хугацаанд хилээр орж ирээгүй бол дахин шинээр виз мэдүүлж хугацаа алдах болон олон бичиг баримт бүрдүүлэх хэрэг гарах байсан бол энэ шинэ журмаар хугацаа нь ирэх жилийн 4 дүгээр сарын 29-ний өдөр хүртэл хүчинтэйд тооцогдох болжээ. Танд таалагдсан бол shere and like бусдадаа түгээе!!!
Япон хэл дээрх мэдээллийг доорх холбоосоор орж авна уу.

http://www.moj.go.jp/content/001316712.pdf?fbclid=IwAR27EaZQL4dljD7AvHCuDGFGP8idk3i3NWUwW9CNGn5LPiawMlxQ7tcnErc