Шинэ Төрлийн Корона вирусийн халдвар авсан нийт 229-н иргэн өнөөдөр бүртгэгдсэн байна/7月9日の時点で東京都 新たに224人の感染確認.

Өнөөдөр буюу 2020.07.09-ний өдөр Шинэ төрлийн Корона вирусийн халдвар авсан нь шинээр бүртгэгдсэн нийт 229-н иргэн байна.
Үүгээр Токио хот дотор халдвар авсан иргэний тоо 7272 болж байгаа ба энэ сар гарсаар 8-н өдөр дараалан халдвар авсан иргэний тоо 100-с дээш байна. Иймд халдвараас урьдчилан сэргийлэх арга хэмжээгээ өндөржүүлэн, илүү их хариуцлагатай байхыг уриалж байгаа юм байна.

Токио хотын хэмжээнд шинэ төрлийн Корона вирусийн PCR шинжилгээг өгч буй иргэдийн тоо эрс нэмэгдэж 2020.05.25-нд 920-н иргэн байсан бол, 06.12-ний байдлаар 2118-н иргэн болж өссөн ба 07.03-ний өдөр 2715-н иргэн болоод байна. Тус шинжилгээг эмчид биеийн байдлаа үзүүлж тухайн эмч тус шинжилгээг өгөх шаардлагатай гэж үзсэн тохиолдолд PCR Center-т очиж өгнө.
Зэрэгцээд энгийн ханиад, улаан хоолойн үрэвсэл шалтгаалан халуурах зэрэг шинж тэмдэг байгаа тул та тайван байж нэн түрүүнд эмчид хандаарай.

Ташрамд дуулгахад Токио хот дахь эмнэлгүүд Корона вирусийн халдвар авсан тохиолдолд хэвтэн эмчлүүлэх өвчтөнд зориулан 3000-н ор бэлдэх ажлыг засгийн газраас хүлээсэн бөгөөд үүний 1000 орчим ор бэлэн байгаа гэж мэдээлсэн байна.

Манайхан анхаарал болгоомжтой байцгаая.

https://www3.nhk.or.jp/news/html/20200709/k10012505871000.html