Ур чадварын дадлагажигчдын байгууллагаас гаргасан Япон улсад дадлагажих хугацаанд ямар хууль тогтоомжуудад хамрагдах тухай/技能実習生の皆さんへ

2020-07-28  

Япон улсын гадаад иргэдийн ур чадварын дадлагажигчдын байгууллагаас гаргасан Япон улсад дадлагажих хугацаанд ямар хууль тогтоомжуудад хамрагдах тухай мэдээллийг хүргэж байна.

Ур чадварын тухай хуульд:

Ур чадварын дадлагажигч нарыг хамгаалах үүднээс дадлагажигч нарыг хариуцсан ажилтны зүгээс хориотой зүйлсийг тогтоож өгсөн байдаг. Хууль зөрчсөн тохиолдолд, ур чадварын дадлагажигч нь Хилийн шалган нэвтрүүлэх, оршин суух хяналтын газрын/Цагаачлалын алба/ дарга болон Эрүүл мэнд, хөдөлмөр, нийгмийн хамгааллын сайдад өргөдөл гаргах эрхтэй.

Байгууллага нь ур чадварын дадлагажигч нарт зөвлөгөө өгч,тусламж үзүүлэн хамгааллаар хангах тухай хуульчлан тогтоож өгсөн.

Ур чадварын дадлагажигч нь Цагаачлалын албанаас зөвшөөрөгдсөн оршин суух зөвшөөрөл нь “Ур чадварын дадлагажигч ” учраас заасан ангиллын дагуу ажиллах бөгөөд үүнээс гадуурх үйл ажиллагаа болох цагийн ажил хийх болон дур мэдэж гэрээнээс гадуурх ажил хөдөлмөр эрхлэхийг хориглоно.

Ур чадварын дадлагажигч нь дадлага хэрэгжүүлэгч газартай хөдөлмөрийн гэрээнд тулгуурлан дадлага хийх учир Япон дахь бусад ажилчдын адил хөдөлмөрийн стандартын тухай  хуулинд захирагдана.

Дадлагажигчийг гэрлэлт, жирэмслэлт төрөлт зэрэг шалтгаанаар нь шалтаглаж ажлаас нь халах гэх мэт зүй бус үйлдлийг эрэгтэй, эмэгтэйчүүдийн хөдөлмөр эрхлэлтийн тэгш байдлыг хангах тухай хуулиар зөвшөөрдөггүй.

Хэрэв ийм шалтгаанаар ажлаас халагдсан бол харьяа нийслэл, хот мужын Хөдөлмөрийн товчоонд мэдэгдэж зөвлөгөө авах эрхтэй.

Дадлагажигч нь үйлдвэрчний эвлэлд гишүүнээр элсэн орж, өөрийн хөдөлмөрийн нөхцөлийг сайжруулах зэргээр хэрэглэгчтэй санал солилцох эрхтэй.

Дадлагажуулагч байгууллага болон хянагч байгууллага нь ур чадварын дадлагажигчийг эвлэлд гишүүнээр элсэн орох ба үйлдвэрчний эвлэлийн үйл ажиллагаагаар шалтаглаж ажлаас халах, гишүүнээс хасахыг шаардах гэх мэт зүй зохисгүй үйлдэл хийж болохгүй. Хэрэв ийм үйлдэл хийвэл үйлдвэрчний эвлэлээр дамжуулан хөдөлмөрийн харилцааг зохицуулах комисс тусламж хүсэж болно.

Нийгмийн даатгалын тухай хуулийн заалт нь эрүүл мэндийн даатгал, тэтгэврийн даатгал, хөдөлмөрийн даатгал, татварын холбоотой хууль тогтоомжид захирагдах болно гэж тус тус заажээ.

Япон улсад дадлагажигчаар ирэх гэж буй иргэддээ анхааруулж хэлэхэд ирэхээсээ өмнө маш сайн бодож үзээрэй. Ирсэн байгаа иргэдийн хувьд тус хариуцсан байгууллагаас гаргасан гарын авлагатай маш сайн уншиж танилцах хэрэгтэй ба дур мэдэн визийн ангилал өөрчлүүлэх, өөр ажилд орох боломжгүй бөгөөд энэ бүх асуудлыг таны гэрээт компани байгууллага хариуцна гэдгийг сайн ойлгоно уу. Та биднээс зөвлөгөө авч болох ч визийн ангилал солиулах, өөр ажилд зуучлуулах боломжгүй юм.

Өмнө бид тус гарын авлагыг хүргэж байсан ба энэ удаа 3 дахь шинэчлэгдсэн хувийг хүргэж байна.

https://www.otit.go.jp/files/user/200129-09.pdf


Хамгийн сүүлийн 10 нийтлэл

2020-09-29
Ажлын байрны гэмтэл, бэртэл, өвчин зэргийн нөхөн олговор (үйлдвэрийн осол мэргэжлээс хамаарах даатгал)/仕事でのけが・病気などの補償(労災保険)

2020-09-29
“Тусгай ур чадвартай ажилтан” гэдэг оршин суух зөвшөөрлийн шинэ ангиллын тухай/特定技能ビザに関するモンゴル語版での日本の外務省の公式ページ

2020-09-29
Эрүүл мэнд хөдөлмөрийн аюулгүй ажиллагааны тухай/健康と労働安全衛生法の内法・健康診断などについて

2020-09-28
Япон улсын Эрүүл мэндийн даатгал/日本の医療保険について

2020-09-28
Оршин суух зөвшөөрөл 特定技能/Тусгай ур чадвартай ажилтан Монгол хэл дээрх зурагт мэдээлэл

2020-09-25
Тусгай ур чадвартай ажилтан 1-р зэрэг болон 2-р зэрэг/特定技能1号と2号の違いについて

2020-09-25
Тусгай ур чадвартай ажилтан 1-р зэрэг/特定技能1号-т нийт 14-н салбарт хийж гүйцэтгэх ажил үүрэг

2020-09-24
Шинэ төрлийн Корона вирус дэгдсэнтэй холбоотойгоор Ажлаас халах, чөлөөлөх/新型コロナウイルスの影響を受けて退職・解雇された場合

2020-09-23
Япон улсад ажиллаж буй иргэддээ Япон улсын Эрүүл мэнд, нийгмийн хамгаалал, хөдөлмөрийн яамны Монгол хэл дээрх цахим хуудас болон Монгол хэл дээрээ утасаар зөвөлгөө авах боломжтой болсон тухай мэдээлэл хүргэж байна/就労条件に関する総合情報サイト (確かめよう就労条件をモンゴル語版)

2020-09-23
Япон улсад гэрлэлтээ цуцлуулах тохиолдолд/婚姻の解消について(モンゴル国)

*