Япон улсад гэр бүлийн виз мэдүүлэх иргэддээ/家族滞在ビザ申請者へ

2020-08-05  

Япон улсад гэр бүлийн виз мэдүүлэх иргэд маань заавал гэр бүлийн бүртгэл, гэрлэлтийн баталгаатай байх шаардлагатай/婚姻証明書、婚姻登録 -тай байх бөгөөд санхүү баталгаатай, байнгын тогтмол орлоготой байх шаардлагатай.
Өрхийн жилийн орлого 2 сая иенээс доошгүй байх нь виз гарахад эерэг нөлөө үзүүрлэнэ.
Гэр бүлээ өөрийн виз дээр батлан дааж буй иргэн маань 住民税 буюу оршин суугчийн албан татвар төлсөн хуудас заавал хавсаргагдах тул тус татвараа улирал бүр төлж явахыг анхааруулж байна.
Манай улсын Элчин сайдын яамны цахим хуудасны мэдээллийг хүргэж байна.
Монгол улсын иргэн гэрлэлтээ батлуулахдаа доорх материалыг бүрдүүлж ирнэ.
Гэрлэлтийг аль улсад бүртгүүлэхээс хамааран бүрдүүлэх материал бага зэрэг ялгаатай байна.

I. Япон улсын иргэнтэй гэрлэх тохиолдолд доорх материалыг бүрдүүлж ЭСЯ дээр өөрийн биеэр ирж Япон талд бүртгүүлэх зөвшөөрлийн хуудас /婚姻具備証明書/ авч, харъяа дүүрэгтээ бүртгүүлсний дараа Япон талд бүртгэгдсэн материал /戸籍謄本/ авч ЭСЯ ирснээр Монгол талд бүртгүүлнэ.
II. Гэрлэлтийг Монгол улсад бүртгүүлэх тохиолдолд / Улаанбаатар дахь УБЕГ-т бүртгэлийг хийнэ/

I. Гэрлэлтийг Япон улсад бүртгүүлэх тохиолдолд бүрдүүлэх материалууд:
-Монгол улсын иргэний бүрдүүлэх материал:
1. Гадаад паспортын хуулбар 2 хувь
2. Иргэний үнэмлэхийн нотариатаар баталгаажуулсан хуулбар 2 хувь
3. Төрсний гэрчилгээний нотариатаар баталгаажуулсан хуулбар 2 хувь
4. Гэрлэж байсан эсэх талаарх Улсын бүртгэлийн ерөнхий газрын тодорхойлолт /энэхүү тодорхойлолтын хүчинтэй хугацаа 45 хоног байна/ 1 эх хувь болон түүний хуулбар
5. Монгол улсад байнга оршин суудаг засаг захиргааны тодорхойлолт 1 эх хувь болон түүний хуулбар
6. Гадаад иргэний үнэмлэхийн /在留カード/ хуулбар 2 хувь
7. Япон дахь оршин суугчийн хаягийн тодорхойлолт /住民票/
8. Гэрлэлтээ бүртгүүлэхийг хүссэн дэлгэрэнгүй өргөдөл /Өргөдлийг тус тусдаа өөрийн гараар бичиж он сар өдөр, гарын үсгээ зурна/
9. Ажил болон сургуулийн тодорхойлолт 1 эх хувь болон түүний хуулбар
10. Эрүүл мэндийн тодорхойлолт /ДОХ, бэлгийн замаар халдварлах өвчин, сэтгэц, сүрьеэний шинжилгээний бичиг/ / Эрүүл мэндийн тодорхойлолт – татаж авах / , 健康診断(婚姻届用- татаж авах /
11. Консулын үйлчилгээний хураамж 2000 иен. /бэлнээр тушаах, эсвэл дансанд шилжүүлж баримтыг авчирна/
12. Гэрлэснийг бүртгэх анкет / татаж авах /

-Япон улсын иргэний бүрдүүлэх материал:
1. Ургийн бичиг /Эх материал/  /Монгол хэл дээрх орчуулгын хамт/
2. Гадаад паспортын хуулбар /Гадаад паспорт байхгүй тохиолдолд жолооны үнэмлэхийн хуулбар байж болно/
3. Хаягийн тодорхойлолт. / Монгол хэл дээрх орчуулгын хамт/
4. Эрүүл мэндийн тодорхойлолт /ДОХ, бэлгийн замаар халдварлах өвчин, сэтгэц, сүрьеэний шинжилгээний бичиг/ / Монгол хэл дээрх орчуулгын хамт/
5. Гэрлэлтээ бүртгүүлэхийг хүссэн дэлгэрэнгүй өргөдөл  /Монгол хэл дээрх орчуулгын хамт/

Гэрлэлтээ бүртгүүлэхээр ЭСЯ-нд хандахдаа дээрх материалыг бүрэн бүрдүүлж, гэрлэх хос хоёул өөрийн биеэр ЭСЯ-нд хүрэлцэн ирж гэрлэлтээ бүртгүүлнэ. Гэрлэлтийн гэрчилгээг ЭСЯ-наас олгоно. /Материалын бүрдэл дутуу тохиолдолд хүсэлтийг хүлээн авахгүй/

II. Гэрлэлтийг Монгол улсад бүртгүүлэх тохиолдолд Япон улсын иргэний бүрдүүлэх материалууд:
1. Гэрлэхийг хүссэн өргөдөл бичиж, монгол хэл дээр албан ёсны орчуулга хийлгэж нотариатаар баталгаажуулсан байх.
2. Гэр бүлийн талаарх Японы холбогдох байгууллагын тодорхойлолт
3. Эрүүл мэндийн тодорхойлолт /ДОХ, бэлгийн замаар халдварлах өвчин, сэтгэц, сүрьеэний шинжилгээний бичиг/
4. Гэмт хэрэг зөрчилд холбогдож байсан эсэх талаар цагдаагийн газрын тодорхойлолт
5. Монгол улсад амьдрах хөрөнгийн эх үүсвэрийн талаарх эрх бүхий байгууллагын тодорхойлолт
6. Иргэний бичиг баримтын нотариатаар баталгаажуулсан хуулбар
7. Цээж зураг 1 хувь
8. Виз бүртгэлийн зөрчилгүйн тодорхойлолт.
Дээрх материалуудыг бүрдүүлж Улаанбаатар дахь ГИХАЭА-нд гэрлэх тухай хүсэлтээ гаргана.
Жич: Гадаад хэл дээр бичигдсэн тодорхойлолтыг монгол хэл дээр албан ёсны орчуулга хийлгэж нотариатаар батлуулсан байна.

Embassy of Mongolia /хаяг/:
21-4, Kamiyama-cho, Shibuya-ku, Tokyo 150-0047
Tel: 03-3469-2088
Fax: 03-3469-2216
E-mail: tokyo.consul.dep@gmail.com
Web: http://tokyo.embassy.mn


Хамгийн сүүлийн 10 нийтлэл

2020-10-22
Япон улсад ажиллаж буй гадаад иргэдийн тоон үзүүлэлт ба хөдөлмөр эрхлэлтийн тухай хуулийн товч мэдээлэл/在日外国人就労者と就労知識について

2020-10-22
Япон улсын Цагаачлалын албаны албан есний мэдээллийн бас нэгэн холбоос/東京出入国在留管理局の公式アカウントについて

2020-10-22
Корона вирусийн нөлөөтэй холбоотой гадаадын иргэдэд одоо хэрнэ үзүүлэж буй дэмжлэг/新型コロナウイルス感染症の影響に対する外国人及び受入れ機関への支援策①(外国人への支援)

2020-10-21
Япон улсад оршин сууж буй иргэн “Ур чадвартай ажилтан”/Токүтэйгино-1 ангиллын ажиллах виз болгох тухай/在留中の場合取得している在留資格を特定技能ビザに切り替える流れについて

2020-10-21
Япон Улсад “Ур чадвартай ажилтан” илгээх хүлээн авах тогтолцоог хэрэгжүүлэх бүртгэлийн зар /現地では特定技能1号外国人人材の受付開催された

2020-10-21
Япон улсын “Виз” болон “Оршин суух зөвшөөрөл”-ийн тухай/ビザ(査証 )と在留資格について

2020-10-20
Япон улсад зорчих болон байх хугацаандаа мэдэж байх шаардлагатай мэдээлэл/日本へ出国予定の皆様の知っておくべきこと

2020-10-20
МИАТ-ийн тусгай үүргийн нэмэлт нислэг 10/28-нд гарах тухай/帰国者人数が多い為、ミアットモンゴル航空会社は10月に追加特別便を運航予定

2020-10-20
Япон улсын хилээр нэвтэрсний дараах хорио цээрийг цаашид хэрхэх тухай мэдээлэл/帰国者に対する検疫の流れと14日間の待機宿泊について

2020-10-20
Техник технологи, хүмүүнлэг, олон улсын харилцаа ангиллын визээр өмнө цагийн ажил хийх боломжтой/技術・人文知識・国際業務の在留資格で、アルバイトができる制度

*