Дадлагажигч нарыг улсын татвараас хэрхэн чөлөөлөх тухай Япон улсын гадаад иргэдийн ур чадварын дадлагын байгууллагаас гаргасан мэдээлэл/外国人技能実習機構からの免税に関する通知について  

Зарчмын хувьд ур чадварын дадлагжигчын цалин хөлснөөсөө орлогын татвар (улсын татвар) болон иргэний татвар (орон нутгийн татвар)-ыг суутган авах бөгөөд тухайн хүний төрсөн орон болон Япон улсын хооронд байгуулагдсан Албан Татварын Тухай Олон Улсын Гэрээ/ АТТОУГ/байгаа тохиолдолд дээр дурдсан татваруудаас чөлөөлөгдөх тохиолдол байдаг.  

● АТТОУГ-ний дагуу орлогын татвараас чөлөөлөгдөх тохиолдолд ,  АТТОУГ-тэй холбоотой гаргах өргөдөл (маягт 8) (хавсаргасан материал багтана.)-ийг цалин олгогч этгээд (дадлагажуулагч этгээд )-ээр дамжин Татварын газарт хүргүүлэх шаардлагатай. Тодорхойг Улсын Татварын Газрын цахим хуудас (www.nta.go.jp)-наас үзэх юм уу, оршин суух газартаа ойрхон байгаа татварын албанаас лавлана уу.

● АТТОУГ-ний дагуу иргэний татвараас чөлөөлөгдөх тохиолдолд , АТТОУГ-тэй холбоотой өргөдөл хүсэлтийг тухайн орон нутгийн төр захиргааны байгууллагад гаргах шаардлагатай байдаг.  Тодорхойг оршин суугаа хот, тосгоныхоо захиргааны байгууллагаас лавлана уу.

（Ишлэл авахад） АТТОУГ-ний агуулга
Улсын нэр АТТОУГ-ний агуулга
Вьетнам Журмын дагуу татвар ноогдуулна
-Хятад
Амьжиргааны зардал болон мэдлэг боловсрол авахад зарцуулагдсан орлого,
дадлага хийж авсан цалин хөлст татвар ноогдуулахгүй
-Филиппин
Жилд 1500 ам доллараас хэтрээгүй орлоготой хүнийг татвараас чөлөөлнө ( 3
жилийн хугацаатай), (зөвхөн орлогын татварт л хамааралтай.）
-Индонез
Жилд 600 мянган иенээс хэтрээгүй орлоготой хүнийг татвараас чөлөөлнө (5
жилийн хугацаатай)
-Тайланд
5жилээс хэтрээгүй дадлагатай холбоотой орлогыг татвараас чөлөөлнө (Тэрхүү
орлого нь амьжиргаа болон мэдлэг боловсролд шаардлагатай орлого байсан
тохиолдолд), (Зөвхөн орлогын татварт хамааралтай.)
-Шри-Ланк
Жилд 360 мянган иенээс хэтрээгүй орлоготой хүнийг татвараас чөлөөлнө.
(Зөвхөн орлогын татварт хамааралтай)

※1 Мянмар, Камбож, Монгол болон Лаос зэрэг улсуудтай АТТОУГ байгуулагдаагүй болно.
※2 Энэхүү АТТОУГ-ний тухай хүснэгт нь олон ур чадварын дадлагажигч илгээсэн улс орны хувьд, манай дотоодын дадлагажуулагч байгууллагаас төлөгдөх ёстой цалин хөлсөнд ноогдох татварын тухай дурдсан баримт бичиг юм.