Япон орны тухай цуврал/日本国について№4

Үндэсний спорт: Сумо, Жүдо, Кэндо, Каратэ
Гол аж үйлдвэрлэл: Хагас дамжуулагч,
цахилгааны нарийн тоног төхөөрөмж,
машин, төмөр, олон улсын тээвэр, төмөр зам,
шинжлэх ухаан технологи
Нутаг дэвсгэр: 378,000 km2
Арлын өндөрийн урт: 2500km
Улирал: Хавар, Зун, Намар, Өвөл 4 улиралтай, зундаа маш их чийглэг аймаар халуун, өвөл нь гадаа тийм ахтар хасах градусруу ортол хүйтэн биш ч төвийн халаалт гэж байхгүй учираас маш иххайрсан чиндсэн хүйтэн байдаг.

Кюүшюү бүс нутаг бол дулаан уур амьсгалтай газар бөгөөд, Хойд Кюүшюү хотын үйлдвэрлэлийн районийг түшиглэн төмөр, нүүрс, усан онгоц, химийн үйлдвэр гэх мэт үйлдвэрлэл эрчимтэй хөгжсөн бүс юм. Шүрэн судлаар хүрээлэгдсэн үнэхээр гайхамшигтай далай юм. Зонхилох аж үйлдвэрлэл нь аялал жуулчлал бөгөөд, зөвхөн Япон төдийгүй Азийн олон орны жуулчид зорин ирдэг бүс нутаг юм.

Чюүгокү, Шикокү бүс нутаг нь жилийн турш дулаахан байдаг. Сэто наикаи (Шикокү, Кюүшюү, Хоншюү арлаар хүрээлэгдсэн дотоод тэнгис) нь загас агнуур эрчимтэй хөгжсөн байдаг. Шикокү бүс нутаг бол байгалийн үзэсгэлэнт тогтоц ихтэй, жимс тариалалт эрчимтэй хөгжсөн.

Кинки бүс нутаг нь баруун Японы гол цөм болдогоос гадна, Кантоо бүстэй адил эдийн засаг, аж үйлдвэрлэлийн төв бүс юм.Кёото ба Нара хот нь Японы түүх дурсгалт барилга байгууламж, сүм хийд олон байдаг.Оосака хот нь өндөр байшин, барилга сүндэрлэсэн хот юм.Мөн, Кообэ хотод Японы алдартай худалдааны боомт болон хиймэл аралтай, их өвөрмөц хот юм.

Хоккайдо нь Японы хамгийн хойд хэсэгт оршдог бөгөөд өвөл нь их хүйтэн, цасанд хучигддаг.Зонхилох аж үйлдвэрлэл нь хөдөө аж ахуй болон саалийн ферм,аялал жуулчлал юм.Мөн, далайн баялаг элбэгтэй.Саппоро хотын цасны баяр нь дэлхийд алдартай баярын нэг юм.

Тоохокүд Японы хүнсний гол хэрэглээ болсон цагаан будааны 28%-г үйлдвэрлэдэг.Мөн алим болон персик гэх мэт жимс,ногоо тариалдаг юм.Аомори мужийн “Нэбута” хэмээх уламжлалт баяртай адил баяр ёслол Японы муж хотуудад өргөн дэлгэр зохиогддог.

Кантоо бол улс төр, эдийн засаг,аж үйлдвэрлэлийн төв бүс юм. Япон улсын нийт хүн амын бараг 32% амьдардаг.Энган дүүрэгт томоохон үйлдвэрийн дамжлага болон худалдааны боомт байрладаг.Төв бүс нь бизнес болон соёлын гол цөм бөгөөд, далайгаас алслагдсан хэсэгтээ хөдөө аж ахуй эрхэлдэг.

Чюүбү бүс нутаг нь Япон улсын төв хэсэгт байрладаг. Япон далайтай залгаа хэсэгт цас их ордог,Цагаан будаа ихээр тариалдаг.Мөн номхон далайтай залгаа хэсгийн уур амьсгал нь дулаахан,мандарин болон Япон цайны үйлдвэрлэл хөгжсөн байдаг. Айчи мужийн Нагояа хот бол томоохон аж үйлдвэрлэлийн томоохон бүс юм.