Япон улс онц байдал зарлаж, Ханиад томуутай холбоотой онцгой байдал зарлах тухай хуулийн шинэчилсэн найруулгыг баталлаа/緊急事態宣言.

Японы засгийн газар онц байдал зарлах талаар багагүй хугацаанд хэлэлцсэний үр дүнд хэсэгчилсэн байдлаар онц байдал зарлаж буйг тус улсын Ерөнхий сайд Абэ Шинзо өнөөдөр буюу 2020.04.06-нд албан ёсоор мэдэгдлээ. Шинэ төрлийн коронавирусийн тархалт хамгийн өндөр байгаа Токио хот,Чиба муж, Сайтама муж, Гүнма муж, Осака хот, Канагава муж, Фүкүока муж гэсэн хотуудад 1 сарын хугацаатай онц байдал зараллаа.
Япон улсад ханиад томуунаас шалтгаалан онцгой байдал зарлах хууль эрх зүйн орчин байхгүй учир энэ сарын 13-нд Ханиад томуутай холбоотой онцгой байдал зарлах тухай хуулийн шинэчилсэн найруулгыг баталж, 26-ны өдөр Ерөнхий сайд Абэ Шинзо дэргэдээ тусгай штаб байгуулан ажилласан ба тус ус 2 тохиолдолд онц байдал зарлах ажээ. 1. Халдварын дэгдэлт хүмүүсийн амь нас, эрүүл мэндэд ноцтой аюул занал учруулахуйц болсон үед. 2. Халдварт өвчин улс даяар хурдацтай тархаж, иргэдийн өдөр тутмын амьдрал, улс орны эдийн засагт асар их сөрөг нөлөө үзүүлэх магадлалтай болсон үед орон даяар онц байдал зарлах эрхтэй болжээ.